सदानंद नाईक, उल्हासनगर : महापालिका महिला व बालकल्याण विभागामार्फत मराठा सेक्शन येथील उद्यानात गड किल्ले प्रदर्शन भरविण्यात आले. महापालिका उपायुक्त सुभाष जाधव यांच्या हस्ते उदघाटन झाले आहे.
उल्हासनगर महापालिका महिला व बालकल्याण विभागाच्या वतीने दरवर्षीप्रमाणे कॅम्प नं-४, मराठा सेक्शन येथील उद्यानात गड किल्ल्याचे प्रदर्शन भरविण्यात आले. महापालिका उपायुक्त डॉ. सुभाष जाधव, जनसंपर्क अधिकारी छाया डांगळे व विभाग प्रमुख नितेश रंगारी यांच्या हस्ते प्रदर्शनाचे उदघाटन झाले. गड किल्ले तयार करणा-या मुलांना व विद्यार्थ्यांना छत्रपती शिवाजी महाराज यांचे गड किल्ल्यामार्फत सविस्तर माहिती महापालिकेच्या वतीने देण्यात आली. याबददल कौतुक करुन गड किल्ले प्रदर्शनामध्ये भाग घेणा-या विद्यार्थी मुले-मुलींना पारितोषिक देऊन सन्मानित करण्यात आल्याची माहिती महिला व बालकल्याण विभागाचे प्रमुख नितेश रंगारी यांनी दिली आहे.