मेट्रोसाठी तरतूद न केल्यास आंदोलन करू

मुख्यमंत्र्यांनी मीरा- भार्इंदरच्या नागरिकांना दिलेल्या अनेक आश्वासनांपैकी मेट्रोचेही खोटेच ठरले आहे

मीरा रोड : मुख्यमंत्र्यांनी मीरा- भार्इंदरच्या नागरिकांना दिलेल्या अनेक आश्वासनांपैकी मेट्रोचेही खोटेच ठरले आहे. मुख्यमंत्री अध्यक्ष असूनही एमएमआरडीएच्या अर्थसंकल्पात मेट्रोसाठी तरतूदच न करून नागरिकांच्या तोंडाला पाने पुसली आहेत. १५ दिवसात मेट्रोसाठी तरतूद न केल्यास आंदोलन करू असा इशारा काँग्रेसने दिला आहे.काँग्रेसचे जिल्हाध्यक्ष व नगरसेवक अनिल सावंत यांनी म्हटले आहे की , पालिका निवडणूक व त्याआधीपासूनच शहरात सतत येत असलेल्या मुख्यमंत्र्यांनी अनेक आश्वासनांपैकी एक मेट्रोचे होते. स्थानिक आमदारांनी नागरिकांकडून मेट्रोच्या प्रतिकृती स्वीकारल्या, सुखकर रेल्वे प्रवासाची स्वप्ने दाखवली. मेट्रो स्टेशनची नावेही पक्की केली.वास्तविक मीरा- भार्इंदर व पुढे वसई, विरार हे मेट्रोने जोडावे अशी मागणी त्यावेळी माजी आमदार मुझफ्फर हुसेन यांनी केलीहोती.तत्कालीन मुख्यमंत्री विलासराव देशमुख यांनीही मीरा-भार्इंदरचा मेट्रोमध्ये समावेश केला होता. पण याच भाजपा सरकारने मेट्रो रद्द केली असा आरोप सावंत यांनी केला.मेट्रोच्या मागणीसाठी काँंग्रेसने नागरिकांसह शहरात आंदोलन केले. सह्यांची मोहीम राबवली. भाजपा मुख्यमंत्र्यांना मीरा- भार्इंदरचा मेट्रोमध्ये समावेश करण्यास भाग पाडले.परंतु आता एमएमआरडीएच्या अर्थसंकल्पात तरतूद न करून नागरिकांच्या जखमेवर मुख्यमंत्री व स्थानिक नेत्याने मीठच चोळलेआहे.