लोकमत न्यूज नेटवर्क, ठाणे: सप्टेंबर महिन्यात मेट्रोच्या ट्रायल रनसाठी मुख्यमंत्री आणि उपमुख्यमंत्री घोडबंदर भागात आले होते. त्यांच्यासाठी रस्ता खड्डेमुक्त करण्यात आला. परंतु आता महिना उलटत नाही, तोच येथील चकाचक केलेला रस्ता पुन्हा खड्ड्यांत गेला आहे. त्यामुळे दर महिन्याला या दोन्ही नेत्यांनी घोडबंदरला यावे, अशी अपेक्षा रहिवाशांनी केली आहे.
पावसाळ्यापासून घोडबंदर भागातील रस्त्याची चाळण झाली आहे. काही मराठी कलाकारांनी या रस्त्यावरून प्रशासन आणि सत्ताधाऱ्यांवर आगपाखड केली. खड्ड्यांचा मुद्दा घेऊन गेल्या दोन महिन्यांपासून येथील रहिवासी वारंवार रस्त्यावर उतरून उत्स्फूर्तपणे आंदोलन करीत आहेत.
रस्त्यावर ठिकठिकाणी खड्डे, वाहनचालकांची मोठी कसरत
२२ सप्टेंबर रोजी मेट्रो चारची ट्रायल रन घेण्यात आली होती. यासाठी मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांनी हजेरी लावली होती. त्यांच्यासाठी येथील रस्ते चकाचक केले होते. आता महिना उलटत नाही, तोच या रस्त्यांना पुन्हा खड्डेच खड्डे पडले आहेत. रस्त्यांवर टाकलेले डांबरही वाहून गेले आहे.
Web Summary : Ghodbunder road, recently repaired for a VIP visit, is again full of potholes. Residents express frustration as the road deteriorates quickly. They sarcastically invite leaders for frequent visits to ensure road maintenance.
Web Summary : वीआईपी दौरे के लिए हाल ही में मरम्मत की गई घोड़बंदर रोड फिर से गड्ढों से भर गई है। निवासियों ने निराशा व्यक्त की क्योंकि सड़क जल्दी खराब हो जाती है। वे सड़क रखरखाव सुनिश्चित करने के लिए नेताओं को बार-बार आने के लिए ताना मारते हैं।