शहरं
Join us  
Trending Stories
1
बीड जिल्ह्यात मुसळधार पाऊस, नद्या-नाले तुडुंब; जीप वाहून सहा जण अडकल्याची भीषण घटना
2
कावड-पालखी सोहळ्यातील ट्रॅक्टरचा अकोला दगडीपुलाजवळ अपघात, २२ भाविक जखमी
3
सी.पी राधाकृष्णन यांना उपराष्ट्रपतिपदाचे उमेदवार बनवण्यामागे भाजपाची खेळी काय? जाणून घ्या
4
कोल्हापूर सर्किट बेंच झाले, आता खंडपीठाचा प्रस्ताव द्या; सरन्यायाधीश भूषण गवईंची सूचना
5
जलसमाधी आंदोलनावेळी नदीत उडी घेणाऱ्या 'त्या' आंदोलनकर्त्याचा मृतदेह १५ किमी अंतरावर सापडला
6
दहीहंडीला २४ तासांत तब्बल १.१३ कोटी दंड वसूल; वाहतूक पोलिसांनी बेशिस्त गोविंदांना लावला चाप
7
मोठी बातमी! महाराष्ट्राचे राज्यपाल सीपी राधाकृष्णन उपराष्ट्रपती पदाची निवडणूक लढणार; भाजपाची घोषणा
8
योगींच्या गोटात खळबळ! १०० हून अधिक आमदारांचा पत्ता कट होण्याची शक्यता; सपाही टेन्शनमध्ये...
9
लग्नानंतर ४५ दिवसांत असं काय घडलं, २७ वर्ष युवकानं स्वत:ला संपवलं?; आईला केला होता शेवटचा कॉल
10
पावसाळ्यात बेडूक येतात तसं निवडणूक आल्यावर जरांगे बाहेर पडतात; भाजपा आमदाराची बोचरी टीका
11
न्यायालयात लेखी स्वरुपात देणार का? निवडणूक आयोगाच्या 'त्या' वक्तव्यावर काँग्रेसचा पलटवार
12
'आता तरी उठा' या पुण्यातील बॅनरवरून अण्णा हजारेंनी मौन सोडलं, म्हणाले, "हे माझं दुर्दैव..."
13
महाराष्ट्रातील मतदानावर आरोप, ECI नं राहुल गांधींना सुनावलं; "निकालानंतर आरोप केले, पण आजपर्यंत एकही..."
14
जिथे नवीन मतदार, तिथे BJP चा विजय; महाराष्ट्रात जादूने १ कोटी मतदार निर्माण झाले- राहुल गांधी
15
दावा जगाची युद्धे थांबविल्याचा, ट्रम्पना वॉशिंग्टन डीसीतील परिस्थिती आवरेना...; दुसऱ्या राज्यातून सुरक्षा मागविली
16
आई-पत्नी आणि मुलीसमोर तरुणावर तलवारीने हल्ला; एका व्हॉट्सअॅप फॉरवर्डमुळे गेला जीव
17
७ दिवसांत प्रतिज्ञापत्र द्या अन्यथा देशाची माफी मागा; निवडणूक आयोगाचं राहुल गांधींना चॅलेंज
18
उतावीळ...! नोबेल द्या नाहीतर प्रचंड टेरिफ लावू...; ट्रम्प यांची नॉर्वेच्या अर्थमंत्र्यांना धमकी
19
'मत चोरी'च्या आरोपांना आम्ही घाबरत नाही; राहुल गांधींना निवडणूक आयोगाचे उत्तर
20
तुमचं पॅन कार्ड हरवलंय? काळजी करू नका, घरबसल्या फक्त ५ मिनिटांत मिळेल डुप्लिकेट ई-पॅन

'महाशिवरात्रीला मंदिर परिसरात फुलविक्रेत्यांना मनाई

By लोकमत न्यूज नेटवर्क | Updated: March 11, 2021 00:27 IST

ऑनलाइन सुविधा देण्याचे आवाहन : एकावेळी केवळ ५० भाविकांना घेता येणार दर्शन

लोकमत न्यूज नेटवर्कठाणे : संपूर्ण देशभर मोठ्या उत्साहात साजरा करण्यात येणारा 'महाशिवरात्री उत्सव' यंदा कोरोनाचा वाढता संसर्ग लक्षात घेता अत्यंत साध्या पद्धतीने साजरा करण्याचे आवाहन महापौर नरेश म्हस्के आणि महापालिका आयुक्त डॉ. विपिन शर्मा यांनी केले आहे. यात एका वेळी ५० भाविक दर्शन घेतील, याची दक्षता घेऊन मंदिर परिसरात हार व फुलविक्रेत्यांना मनाई करण्यास सांगितले आहे. तसेच शिवमंदिर व्यवस्थापनाने दर्शनाची सुविधा ऑनलाइन, केबल नेटवर्क, वेबसाइट व फेसबुक इत्यादींद्वारे उपलब्ध करून देण्याचे आवाहनदेखील महानगरपालिकेने केले आहे. दरवर्षी महाशिवरात्रीच्या निमित्ताने शिवमंदिरात मोठ्या प्रमाणात पूजाअर्चा केली जाते व दर्शनासाठी अनेक भाविक त्याठिकाणी गर्दी करीत असतात. परंतु, यावर्षी कोविडच्या संसर्गजन्य परिस्थितीचा विचार करता भाविकांनी घराबाहेर न पडता शक्यतो घरात राहूनच पूजाअर्चा करण्याचे आवाहन ठाणे महानगरपालिकेने केले आहे.

कोविडचा संसर्ग टाळण्यासाठी प्रत्येक शिवमंदिराच्या आतील बाजूस सोशल डिस्टन्सिंगचे पालन होण्याच्या दृष्टीने एकावेळी फक्त ५० भाविक दर्शन घेतील, यादृष्टीने संबंधित विश्वस्त आणि व्यवस्थापक यांनी योग्य त्या उपाययोजना कराव्यात तसेच मंदिर व्यवस्थापनाने आजूबाजूच्या परिसरात निर्जंतुकीकरणाची व्यवस्था, सोशल डिस्टन्सिंग व स्वच्छतेच्या नियमांचे पालन होईल, याकडे विशेष लक्ष देण्यास सांगितले आहे.कोरोनाचा वाढता प्रादुर्भाव पाहता भाविकांनी बाहेर न पडता घरीच राहून पूजा करावी असे आवाहन ठामपाच्या वतीने करण्यात आले. गेल्या काही दिवसांपासून रुग्णांची संख्या वाढत असल्याने यंत्रणांपुढे चिंता पसरली आहे. 

ठाण्यातील कौपिनेश्वर मंदिरही राहणार बंद

लोकमत न्यूज नेटवर्कठाणे : ठाणे शहरातील प्राचीन कौपिनेश्वर मंदिरात यंदा महाशिवरात्री साजरी होणार नाही. मंदिराचे सर्व दरवाजे बंद असल्याने भाविकांना आत येऊन दर्शन घेण्यास बंदी राहणार आहे. गेल्या वर्षी लॉकडाऊनच्या दोन दिवस आधी महाशिवरात्री आल्याने ती साजरी झाली होती.महाशिवरात्रीला भल्या पहाटेपासूनच देशभरातील सर्वच शिवमंदिरात भाविकांच्या रांगा पाहायला मिळतात. शहरातील छोट्यामोठ्या शिवमंदिरात हर हर महादेवचा जयघोष ऐकायला मिळतो. यंदा मात्र कोरोनामुळे महाशिवरात्री साजरी करण्यामध्ये खंड पडणार आहे. भाविकांसाठी मंदिर पूर्णत: बंद असणार असल्याचे येथील पुजारी विनायक गाडे यांनी सांगितले. केवळ पुजाऱ्यांच्या उपस्थितीत दरवर्षीप्रमाणे पहाटेची पूजा होणार आहे. तसेच, मंदिरात फुलांची आरास आणि भोवती रोषणाईने सजावट होणार असल्याचे ते म्हणाले. भाविकांची मात्र निराशा होणार आहे.

कोरोनारुग्ण वाढत असल्याने मंदिरात जाऊन गर्दी करण्यापेक्षा भाविकांनी घरातच महादेवाची पूजा करावी. या दिवशी उपवास धरायला हरकत नाही.     - दा.कृ. सोमण, पंचांगकर्ते

टॅग्स :Mahashivratriमहाशिवरात्रीthaneठाणे