ठाणे - ठाणे जिल्ह्यात कोरोनाचे ८२२ रुग्ण गुरुवारी आढळले असून ५२ जणांचा मृत्यू झाला आहे. आतापर्यंत जिल्ह्यात पाच लाख १३ हजार ५४८ बाधितांची नोंद झाली असून मृतांची संख्या नऊ हजार 61 झाली आहे. ठाणे शहरात १५४ रुग्ण आढळल्याने येथील रुग्ण संख्या आता एक लाख २८ हजार ४३७ झाली. शहरात सात मृत्यू झाल्यामुळे मृत्यूची संख्या एक हजार ८७७ नोंदवण्यात आली. कल्याण - डोंबिवलीत १९९ रुग्णांची वाढ झाली असून २३ मृत्यू झाले आहे. आता एक लाख ३२ हजार ४१९ रुग्ण बाधीत असून एक हजार ९२१ मृत्यूची नोंद झाली आहे.
उल्हासनगरला ५३ रुग्ण सापडले असून एकही मृत्यू नाही. येथील बाधितांची संख्या २० हजार २५६ झाली. तर, ४६९ मृतांची नोंद आहे. भिवंडीला ७ बाधीत असून मृत्यू नाही. आता बाधीत १० हजार ४२४ असून मृतांची संख्या ४३६ नोंद आहे. मीरा भाईंदरमध्ये १३९ रुग्ण आढळले असून चार मृत्यू झाले आहेत. या शहरात बाधितांची संख्या ४८ हजार ६१३ असून मृतांची संख्या एक हजार २६१ झाली.
अंबरनाथमध्ये २० रुग्ण आढळल्याने आता बाधीत १९ हजार २०४ असून दोन मृत्यू आहे. येथील मृत्यूची संख्या ४०५ झाली आहे. बदलापूरमध्ये ४० रुग्णांची नोंद झाल्यामुळे बाधीत २० हजार ४७६ झाली आहेत. या शहरात तीन मृत्यू झाल्याने मृत्यूची संख्या २५३ झाली आहे. ग्रामीणमध्ये ११५ रुग्णांची वाढ झाली असून सात मृत्यू झाले. आता बाधीत ३६ हजार ३३ तर आतापर्यंत ८६० मृत्यू झाले आहेत.