ठाणे : ठाणे जिल्हा गणेशोत्सव समन्वय समीतीने कोरोनाचा प्रादुर्भाव पाहता ठाणे जिल्ह्यातील सर्व सार्वजनिक गणेश मंडळांसाठी सूचनावली जाहीर केली. आहेत. ठाण्यातील या वर्षीचे उत्सव हे अत्यंत साधेपणाने साजरे व्हावे, आगमन मिरवणूक किंवा विसर्जन मिरवणूक काढली जाऊ नये अशा अनेक सूचना या बैठकीत देण्यात आल्या आहेत.
मुख्य पदाधिकाऱ्यांची ऑनलाइन बैठक घेऊन काही सूचना ठरविण्यात आल्या. बाप्पाचे आगमन किंवा विसर्जन करताना गरजे पुरतेच कार्यकर्ते असावेत. गणेश मंडपात सोशल डिस्टैंसिंगचे पालन करत ५ पेक्षा जास्त कार्यकर्ते नसावेत, मंडपात प्रवेश करताना सैनिटाइजर व थर्मामीटर ची व्यवस्था असणे बंधनकारक राहील, मंडळाच्या कार्यकर्त्यांनी मास्क,ग्लोव्स सारखी सुरक्षित उपकरणें वापरने बंधनकारक राहील, श्रीं च्या आरती वेळी देखील ५ ते ६ कार्यकर्त्यांनाच मंडपात मुभा राहील, कोणतेही सत्कार समारंभ अथवा इतर सार्वजनिक कार्यक्रम घेतले जाणार नाहीत, दर्शन करण्यासाठी येणाऱ्या भाविकांची गर्दी होणार नाही याची जबाबदारी सर्वप्रथम मंडळांची असेल, गणेश मुर्ती सोबत कोणतेही रेकॉर्डिंग शो या वेळी असणार नाहीत, मंडप दिवसातुन दोनदा निर्जंतुकीकरण करणे ही जबाबदारी प्रशासनासोबत मंडळांची देखील राहील, मंडपात विभागाजवळचे कोरोना वैद्यकीय हॉस्पिटल, ऐम्बुलेंस, डॉक्टर, पोलीस यांचे संपर्क क्रमांक बोर्ड असणे बंधनकारक राहील, कोरोनाच्या संकटामुळे या वर्षी गणेश मुर्ती या कमीत कमी लोक निगा राखू शकतील अशी असावी, शक्यतो ध्वनिक्षेपकाचा वापर टाळावा, प्रशासन ,पोलीस व वैद्यकीय अधिकारी यांना सर्वतोपरी सहकार्य होईल याची काळजी घ्यावी व सर्व नियम पाळावेत, उत्सव साधेपणाने पार पाड़ताना निधी उरत असेल तर हॉस्पिटल अथवा वैद्यकीय संस्था यांना ऐश्चिक मदत करावी, गणेशोत्सव काळात सोशियल डिस्टेन्स चे पालन करत रक्तदान शिबिराचे आयोजन करून देशात असलेली क्ताची कमतरता भरून काढण्यासाठी सरकारी रक्तपेढ्यांना संपूर्ण सहकार्य करावे या सूचना जिल्ह्यातील मंडळांना देण्यात येणार आहेत. या सर्व सुचना या ह्या वर्षासाठी मर्यादित आहेत, पुढील काही दिवसात कोरोनाचा प्रादुर्भाव कमी झाल्यास यांमधे बदल केले जावू शकतात. महत्वाचे म्हणजे ही नियमावली नाही तर मंडळांसाठी पाळावयाची सूचनावली आहे असे समितीचे अध्यक्ष समीर सावंत यांनी सांगितले. शासन स्तरावर मंडळांच्या पदाधिकाऱ्यांची बैठक होऊन नियमावली जाहीर करावी अशीही मागणी समितीने केली आहे.