कल्याण : कल्याण पूर्व विधानसभा मतदारसंघातील आशेळे, माणेरे याठिकाणी रस्त्यांना खड्डे पडून चाळण झाल्याने प्रशासनाच्या निषेधार्थ मंगळवारी भाजप आमदार गणपत गायकवाड यांनी खड्ड्यात बसून होमहवन आंदोलन केल्यानंतर शिवेसना पदाधिकाऱ्यांनी गुरुवारी रस्त्याची पाहणी केली. भाजपच्या आंदोलनानंतर शिवसेना जागी झाली असल्याचा टोला गायकवाड यांनी लगावला आहे.
मंगळवारी गायकवाड यांनी आंदोलन केले. त्यानंतर शिवसेनेच्या पदाधिकाऱ्यांनी जाऊन रस्त्यांवरील खड्ड्यांची पाहणी केली. गायकवाड यांनी शिवसेनेवर निशाणा साधला असून ते म्हणाले की, २०१९ मध्ये या रस्त्याकरिता निधी मंजूर झाला होता. रस्त्यांचा डीपीआर मंजूर होता. रस्ते विकासाचे काम रखडवून ठेवण्यात आले. त्याचा त्रास नागरिकांना सहन करावा लागत आहे. जनतेच्या प्रश्नासाठी प्रशासनाला जाब विचारणे माझे कर्तव्य आहे. त्यासाठी अधिकाऱ्यांना धारेवर धरतो, असे ते म्हणाले.
-----------------------------------------
वाचली