Xiaomi ने आपल्या ग्लोबल लाँच इव्हेंटमधून अनेक डिवाइस सादर केले आहेत. यात Xiaomi 11T आणि Xiaomi 11T Pro सारख्या फ्लॅगशिप 5G फोन्सचा समवेश होता. त्याचबरोबर कंपनीने मिड-रेंज सेगमेंटमध्ये Xiaomi 11 Lite 5G NE देखील सादर केला. हा जुन्या Mi 11 Lite 5G चा ‘NE’ म्हणजे ‘New Edition’ आहे. हा फोन सध्या ग्लोबल मंचावर लाँच करण्यात आला आहे. परंतु Xiaomi 11 Lite 5G NE स्मार्टफोन लवकरच भारतीय चाहत्यांच्या भेटीला देखील येऊ शकतो, अशी माहिती लिक्स आणि रिपोर्ट्समधून आली आहे.
Xiaomi 11 Lite 5G NE ची किंमत
जागतिक बाजारात Xiaomi 11 Lite 5G NE चे दोन व्हेरिएंट सादर करण्यात आले आहेत. या फोनचा 6GB RAM आणि 128GB इंटरनल स्टोरेज असलेला मॉडेल EUR 369 (जवळपास 32,000 रुपये) आणि 8GB RAM व्हेरिएंटची किंमत EUR 399 (जवळपास 34,600 रुपये) आहे. 91मोबाईल्सने हा फोन भारतात 23 ते 24 हजार रुपयांच्या आत उपलब्ध होईल असे सांगितले आहे.
Xiaomi 11 Lite 5G NE चे स्पेसिफिकेशन्स
Xiaomi 11 Lite 5G NE मध्ये कंपनीने क्वॉलकॉम स्नॅपड्रॅगन 778G चिपसेटचा वापर केला आहे. हा एक 5G प्रोसेसर आहे. तसेच फोनमध्ये 8GB पर्यंतचा रॅम आणि 256GB पर्यंतची स्टोरेज देण्यात आली आहे. ही स्टोरेज मायक्रोएसडी कार्डच्या मदतीने 1TB पर्यंत वाढवता येते. या फोनमध्ये MIUI 12.5 ही कंपनीची कस्टम स्किन देण्यात आली आहे, जी Android 11 वर आधारित आहे. सिक्योरिटीसाठी या फोनमध्ये साईड माउंटेड फिंगरप्रिंट सेन्सर मिळतो. Xiaomi 11 Lite 5G NE नावाप्रमाणे पातळ आणि हलका फोन आहे, ज्याची जाडी 6.81mm आणि वजन फक्त 158 ग्राम आहे.
या फोनमध्ये 6.55-इंचाचा FHD+ अॅमोलेड डिस्प्ले देण्यात आला आहे. डॉट नॉच डिजाईनसह येणारा हा फोन 2400×1080 पिक्सल रिजोल्यूशन, डॉल्बी व्हिजन, HDR10+ आणि 90Hz रिफ्रेश रेटला सपोर्ट करतो. फोटोग्राफीसाठी Xiaomi 11 Lite 5G NE च्या बॅक पॅनलवर तीन कॅमेरे असलेला सेटअप मिळतो. ज्यात 64MP चा मुख्य कॅमेरा, 8MP ची वाईड-अँगल लेन्स आणि 5MP चा टेलीमॅक्रो कॅमेरा आहे. फ्रंट पॅनलवरील 20MP चा कॅमेरा सेल्फी आणि व्हिडीओ कॉल करण्याच्या कामी येतो. पॉवर बॅकअपसाठी या डिवाइसमध्ये 4,250mAh ची बॅटरी 33W फास्ट चार्जिंग सपोर्टसह देण्यात आली आहे.