Voice Changer App For Android: कोणी ओळखूही शकणार नाही; आवाज बदलून बदलून फोनवर बोला, हे अ‍ॅप करेल मदत 

Voice Changer App For Android: गुगल प्ले स्टोरवर अनेक असे अ‍ॅप्स आहेत ज्यांच्या मदतीनं कॉल करताना तुमचा आवाज बदलता येतो. अशा अ‍ॅप्सना Voice Changer Apps म्हणतात.  

Voice Changer App For Android: अँड्रॉइडमध्ये अनेक मजेदार अ‍ॅप्स उपलब्ध आहेत, ज्यांच्या मदतीनं तुम्ही मित्रांना प्रॅन्क करू शकता. अँड्रॉइडवर प्रॅन्क करण्यासाठी सर्वाधिक वापर आवाज बदलणाऱ्या अ‍ॅप्सचा केला जातो. या अ‍ॅप्सच्या मदतीनं तुम्ही तुमचा आवाज कॉल करताना बदलू शकता. गुगल प्ले स्टोरवर असे अनेक अ‍ॅप्स उपलब्ध आहेत जे कॉलच्या वेळी तुमचा आवाज बदलू शकतात. यातील एक अ‍ॅप MagicCall – Voice Changer App आहे. 

या अ‍ॅपच्या मदतीनं तुम्ही रियल टाइममध्ये आपला आवाज बदलू शकता. या अ‍ॅपचा वापर करण्यासाठी सर्वप्रथम गुगल प्ले स्टोरवरून हे अ‍ॅप डाउनलोड करावं लागेल. MagicCall – Voice Changer App इन्स्टॉल केल्यानंतर तुम्ही पुरुष, महिला, लहान मूल किंवा कार्टूनच्या आवाजात देखील संवाद साधू शकता. असं करून तुम्ही तुमच्या मित्रांना किंवा नातेवाईकांना प्रॅन्क करू शकता. तसेच अनोळखी कॉलवर तुमची ओळख लपवून ठेवू शकता.  

इतकंच नव्हे तर, कॉलवर बोलताना बॅकग्राऊंड साऊंड बदलण्याचा पर्याय देखील मिळतो. म्हणजे तुम्ही कॉलवर ट्राफिक जॅम, म्युजिक कॉन्सर्टमध्ये अडकल्याचं देखील भासवु शकता. विशेष म्हणजे कॉल करण्याआधी तुमचा आवाज समोरच्याला कसा ऐकू जाणार याचं उदाहरण देखील मिळतं. तसेच कॉल सुरु असताना मधूनच तुम्ही आवाज बदलू शकता, म्हणजे एकाच कॉलवर एकापेक्षा जास्त लोक आहेत, असं देखील भासवत येईल. याव्यतिरिक्त देखील अनेक अ‍ॅप्स प्ले स्टोरवर उपलब्ध आहेत, जे तुम्ही Voice Changer Apps असा सर्च करून मिळवू शकता.