Vivo Y74s 5G Phone: 50MP कॅमेरा आणि मीडियाटेक प्रोसेसरसह Vivo Y74s 5G आला बाजारात
By सिद्धेश जाधव | Published: November 22, 2021 03:51 PM2021-11-22T15:51:53+5:302021-11-22T15:52:44+5:30
Vivo Y74s 5G Price Launch: Vivo Y74s 5G Phone चीनमध्ये सादर करण्यात आला आहे. या फोनमध्ये 12GB RAM, 44W Fast Charging आणि 50MP कॅमेरा देण्यात आला आहे.
Vivo Y74s 5G Phone: 50MP कॅमेरा आणि मीडियाटेक प्रोसेसरसह Vivo Y74s 5G आला बाजारात
Next Vivo ने गेल्या महिनाभरात अनेक फोन्स आपल्या वाय सीरिजमध्ये उतरवले आहेत. यात 4G तसेच काही 5G Phones चा देखील समावेश आहे. आता कंपनीने अजून फोन या सीरिज अंतर्गत चीनमध्ये सादर केले आहे. हा नवीन 5G स्मार्टफोन कंपनीने Vivo Y74s 5G नावाने सादर केला आहे. आपल्या होम मार्केट सादर केलेला हा फोन जागतिक बाजारात कधी उपलब्ध होईल हे मात्र सांगता येत नाही.
Vivo Y74s 5G ची किंमत
Vivo Y74s 5G हा स्मार्टफोन एकाच व्हेरिएंटमध्ये सादर करण्यात आला आहे. ज्यात 8GB RAM आणि 256GB स्टोरेज मिळते. शेजारच्या देशात हा फोन 2,299 चायनीज युआनमध्ये विकत घेता येईल. अर्थात हा फोन सुमारे 26,800 भारतीय रुपयांमध्ये लाँच झाला आहे.
Vivo Y74s 5G चे स्पेसिफिकेशन्स
Vivo Y74s 5G मध्ये कंपनीने वॉटर ड्रॉप नॉच असलेला 6.58-इंचाचा IPS LCD डिस्प्ले दिला आहे. या डिवाइसला मीडियाटेक डायमेन्सिटी 810 SoC ची ताकद देण्यात आली आहे. हा प्रोसेसर रेडमी नोट 11 मध्ये देखील आहे. चिपसेटसह फोनमध्ये 4GB व्हर्च्युअल रॅमला आणि 8GB रॅम मिळतो. त्यामुळे या फोनची रॅम क्षमता 12GB होते. यात 256GB ची इंटरनल स्टोरेज देण्यात आली आहे.
हा ड्युअल सिम 5G फोन 4G VoLTE, USB टाइप-C, 3.5mm हेडफोन जॅक इत्यादी कनेक्टिविटी फीचर्सना सपोर्ट करतो. Vivo Y74s 5G मध्ये ड्युअल रियर कॅमेरा सेटअप देण्यात आला आहे. ज्यात 50MP चा मुख्य कॅमेरा आहे, ज्याला 2MP च्या डेप्थ सेन्सरची जोड देण्यात आली आहे. या विवो फोनमध्ये 44Wफास्ट चार्जिंग सपोर्टसह 4100 mAh ची बॅटरी देण्यात आली आहे.