गेल्या आठवड्यात Vivo ने जागतिक बाजारात आपल्या वाय’ सीरीजचा नवीन स्मार्टफोन Vivo Y53s NFC लाँच केला होता. Vivo Y53s 4G आणि Vivo Y53s 5G नंतर हा या सीरिजमधील तिसरा स्मार्टफोन आहे. आता कंपनी या सीरिजमध्ये अजून एक स्मार्टफोन लाँच करण्याची तयारी करत आहे. हा स्मार्टफोन Vivo Y53s (t1 version) नावाने लाँचपूर्वी China Telcom च्या वेबसाइटवर लिस्ट झाला आहे. या लिस्टिंगमधून या स्मार्टफोनच्या स्पेसिफिकेशन आणि किंमतीची माहिती मिळाली आहे.
Vivo Y53s (t1 version) ची किंमत
चायना टेलिकॉमच्या माहितीनुसार Y53s (t1 व्हर्जन) च्या 128 जीबी व्हेरिएंटची किंमत 1,999 युआन (अंदाजे 22,900 रुपये) आणि 256 जीबी व्हेरिएंटची किंमत 2,199 युआन (अंदाजे 25,200 रुपये) असेल. हा फोन Starry Night, Iridescent, आणि Sea Salt अश्या रंगात उपलब्ध होऊ शकतो.
Vivo Y53s (t1 verison) चे स्पेसिफिकेशन्स
विवो वाय53एस (टी1 व्हर्जन) मध्ये 6.58 इंचाचा फुल एचडी+ आयपीएस एलसीडी डिस्प्ले देण्यात येईल. हा टियरड्रॉप नॉच असलेला डिस्प्ले 1080 x 2408 पिक्सल रिजोल्यूशनला सपोर्ट करेल. विवो Y53s t1 व्हर्जन मध्ये मीडियाटेक डायमंसिटी 700 चिप देण्यात आली आहे. या फोनमध्ये 8 जीबी रॅम आणि 256 जीबी पर्यंतची स्टोरेज मिळू शकते. तसेच हा फोन Android 11 OS वर चालतो.
सेल्फी आणि व्हिडीओ कॉलिंगसाठी या स्मार्टफोनमध्ये 8-मेगापिक्सलचा सेल्फी कॅमेरा मिळू शकतो. या फोनमधील ड्युअल रियर कॅमेरा सेटअपमध्ये 64-मेगापिक्सलचा मुख्य सेन्सर आणि 2-मेगापिक्सलचा दुसरा कॅमेरा मिळू शकतो. कंपनीने Vivo Y53s (t1 verison) मध्ये पावर बॅकअपसाठी 4,910mAh ची बॅटरी दिली आहे.