सेल्फी कॅमेरा सेंट्रिक स्मार्टफोन्स सादर करणे विवोची खासियत आहे. असाच एक स्मार्टफोन कंपनी आपल्या ‘वी’ सीरीज अंतर्गत Vivo V23e 5G Phone नावाने सादर करू शकते. गेले कित्येक दिवस लिक्स आणि रिपोर्ट्समधून समोर आलेल्या या फोनच एक व्हिडीओ लीक झाला आहे. लाँच होण्याआधीच Vivo V23e hands-on video इंटरनेटवर व्हायरल झाला आहे. या व्हिडीओमधून फक्त लुक आणि डिजाईनची नव्हे तर स्पेसिफिकेशन्सची देखील माहिती मिळाली आहे.
Vivo V23e ची डिजाईन
समोर आलेल्या व्हिडीओनुसार विवो वी23ई स्मार्टफोन वॉटरड्रॉप नॉच डिस्प्लेसह लाँच केला जाईल. हा ओएलईडी डिस्प्ले असेल, तसेच यात इन-डिस्प्ले फिंगरप्रिंट सेन्सर मिळेल. फोनच्या बॅक पॅनलवर ट्रिपल रियर कॅमेरा सेटअप मिळेल फोनच्या उजवीकडे वॉल्यूम रॉकर आणि पॉवर बटन मिळेल. तर तळाला यूएसबी टाईप सी पोर्ट, स्पिकर ग्रिल व सिम स्लॉट आहे.
Vivo V23e चे स्पेसिफिकेशन्स
Vivo V23e 5G Phone मध्ये अँड्रॉइड 12 आधारीत फनटच 12 ओएस आहे. तसेच विवो फोनमधील 4030एमएएचची बॅटरी 44वॉट फास्ट चार्जिंग टेक्नॉलॉजीसह सादर केली जाईल. फोनच्या बॅक पॅनलवर आलेल्या कॅमेरा सेटअप 64MP चा प्रायमरी रियर सेन्सर, 8MP चा सेकंडरी सेन्सर आणि 2MP ची मॅक्रो लेन्स मिळेल. या फोनमधील 50MP Selfie कॅमेरा सेन्सर या फोनचा आकर्षण बिंदू ठरू शकतो.
Vivo V23e ची किंमत
हा फोन सर्वप्रथम व्हियेतनाममध्ये सादर केला जाईल. लीकनुसार हा फोन पुढील आठवड्यात दाखल होईल. तिथे या फोनची किंमत 10,000,000 VND असू शकते, असे सांगण्यात आले आहे. ही किंमत भारतीय चलनात 32,000 रुपयांच्या आसपास आहे.