Vivo V23 Pro 5G ची विक्री आजपासून सुरु झाली आहे. यातील फ्लोराइट एजी ग्लास बॅक पॅनल यूव्ही लाईटमध्ये आल्यानंतर रंग बदलतो. या सीरिजमधेही Vivo V23 5G स्मार्टफोन प्री-ऑर्डरसाठी उपलब्ध झाला आहे. Vivo V23 Pro 5G आजपासून विकत घेता येईल. या स्मार्टफोन कंपनीनं ऑफर्सची घोषणा देखील केली आहे.
Vivo V23 Pro Price In India
विवो वी23 प्रो च्या 8 जीबी रॅम आणि 128 जीबी स्टोरेज व्हेरिएंटची किंमत 38,990 रुपये ठेवण्यात आली आहे. तर फोनचा 12 जीबी रॅम आणि 256 जीबी स्टोरेज व्हेरिएंट 43,990 रुपयांमध्ये विकत घेता येईल. हा फोन स्टारडस्ट ब्लॅक आणि सनशाइन गोल्ड कलरमध्ये फ्लिपकार्ट आणि ऑफलाईन रिटेल स्टोर्समधून देखील विकत घेता येईल.
फ्लिपकार्टवरून हा फोन विकत घेताना HDFC बँकेच्या क्रेडिट किंवा डेबिट कार्डचा वापर केल्यास 3000 रुपयांची बचत होऊ शकते. तर ICICI बँक क्रेडिट कार्ड धारकांना देखील 10 टक्के सवलत मिळत आहे. तुम्ही तुमचा जुना स्मार्टफोन देऊन आणखीन 16,950 रुपये वाचवू शकता.
Vivo V23 Pro चे स्पेसिफिकेशन्स
विवो वी23 प्रो च्या फ्रंटला ड्युअल सेल्फी कॅमेरा सेटअप आहे. ज्यात 50 मेगापिक्सलचा प्रायमरी सेन्सर आणि 8 मेगापिक्सलची सुपर वाईड अँगल लेन्स देण्यात आली आहे. सोबत कंपनीनं फ्रंट फ्लॅश देखील दिला आहे. बॅक पॅनलवर ट्रिपल कॅमेरा सेटअपमध्ये एलईडी फ्लॅशसह 108 मेगापिक्सलचा अल्ट्रा क्लियर प्रायमरी सेन्सर देण्यात आला आहे. सोबत 8 मेगापिक्सलची वाईड अँगल लेन्स आणि 2 मेगापिक्सलची सुपर मॅक्रो लेन्स देण्यात आली आहे.
Vivo V23 Pro मध्ये 6.56 इंचाचा फुलएचडी+ अॅमोलेड डिस्प्ले मिळतो. जो 90हर्ट्ज रिफ्रेश रेट आणि 240हर्ट्ज टच सॅम्पलिंग रेटला सपोर्ट करतो. या फोनला मीडियाटेक डिमेनसिटी 1200 चिपसेटची प्रोसेसिंग पॉवर देण्यात आली आहे. सोबत ग्राफिक्ससाठी माली जी77 एमसी9 जीपीयू मिळतो. हा डिवाइस अँड्रॉइड 12 ओएस बेस्ड फनटच ओएस 12 वर चालतो.
यात 12GB पर्यंत RAM देण्यात आला आहे, सोबत 4GB व्हर्च्युअल रॅम मिळतो त्यामुळे एकूण 16GB रॅम होतो. हा फोन 256GB स्टोरेजसह विकत घेता येईल. Vivo V23 Pro एक ड्युअल सिम फोन 5G Phone आहे. बेसिक कनेक्टिव्हिटीसह यात इन-डिस्प्ले फिंगरप्रिंट सेन्सर देण्यात आला आहे. तसेच पॉवर बॅकअपसाठी 4,300एमएएचची बॅटरी 44वॉट फ्लॅश चार्ज टेक्नॉलॉजीसह देण्यात आली आहे.
हे देखील वाचा:
LPG Subsidy चे पैसे अकॉउंटमध्ये येत आहेत कि नाही असे करा चेक; सहज करता येणार तक्रार
PF मधील पैसे काढायचे आहेत का? UMANG App वर काही क्लिक्समध्ये होईल काम