Vivo T1 5G Smartphone Sale: विवोनं गेल्या आठवड्यात आपला सर्वात स्लिम 5G फोन भारतात सादर केला होता. यात Snapdragon 695 5G प्रोसेसर, 120Hz रिफ्रेश रेट, 50MP कॅमेरा आणि 5000mAh बॅटरी सारखे फीचर्स देण्यात आले आहेत. आज या स्मार्टफोनचा पहिला सेल आहे आणि या सेलमध्ये Vivo T1 5G स्मार्टफोन डिस्काउंटसह विकत घेता येईल.
Vivo T1 5G ची किंमत
Vivo T1 5G स्मार्टफोनच्या 4GB/128GB स्टोरेज मॉडेलची किंमत 15,990 रुपये आहे. तर 6GB/128GB व्हेरिएंटची किंमत 16,990 रुपये आणि 8GB/128GB व्हेरिएंटची किंमत 19,990 रुपये ठेवण्यात आली आहे. हा फोन खरेदी करताना HDFC बँकेच्या कार्डचा वापर केल्यास तुम्ही 1000 रुपयांचा इन्स्टंट डिस्काउंट मिळवू शकता. त्यामुळे बेस व्हेरिएंटची किंमत 14,990 रुपये होईल. हा फोन आज दुपारी 12 वाजल्यापासून फ्लिपकार्टवरून रेनबो फॅटन्सी आणि स्टारलाईट ब्लॅक कलरमध्ये विकत घेता येईल.
Vivo T1 5G चे स्पेसिफिकेशन्स आणि फीचर्स
Vivo T1 5G मध्ये 6.58-इंचाची फुल एचडी+ एलसीडी स्क्रीन देण्यात येईल. हा डिस्प्ले 120Hz रिफ्रेश रेट आणि 240Hz टच सॅम्पलिंग रेटला सपोर्ट करतो. या फोनला क्वॉलकॉमच्या Snapdragon 695 चिपसेटची प्रोसेसिंग पावर देण्यात आली आहे. सोबत 8GB पर्यंत रॅम आणि 128GB स्टोरेज देण्यात आली आहे. हा फोन अँड्रॉइड 12 आधारित फनटच ओएसवर चालतो.
फोटोग्राफीसाठी Vivo T1 मध्ये ट्रिपल रियर कॅमेरा सेटअप देण्यात आला आहे. ज्यात एलईडी फ्लॅशसह 64 मेगापिक्सलचा प्रायमरी सेन्सर, 8 मेगापिक्सलची वाईड अँगल लेन्स आणि 2 मेगापिक्सलच्या मॅक्रो लेन्सचा समावेश आहे. सिक्योरिटीसाठी साईड पॅनलवर फिंगरप्रिंट सेन्सर देण्यात आला आहे. Vivo T1 मध्ये 5,000एमएएचची बॅटरी देण्यात आली आहे.
हे वाचलंत का: