विवो सतत नवनवीन फोन सादर करत असते. कंपनीच्या स्मार्टफोनच्या लूक आणि डिजाईनची नेहमीच चर्चा केली जाते. आता असाच एक शानदार फोन चीनमध्ये S-series अंतर्गत लाँच केला जाणार आहे. Vivo S10 आणि S10 Pro लाँच केल्यांनतर आता कंपनी “e” व्हेरिएंटवर काम करत आहे. Vivo S10e स्मार्टफोन सर्टिफिकेशन साईट TENAA वर मॉडेल नंबर V2130A सह लिस्ट करण्यात आला आहे. विवोच्या होम मार्केटमध्ये सादर झाल्यानंतर हा फोन भारतीय बाजारपेठेत देखील दिसू शकतो.
Vivo S10e चे स्पेसिफिकेशन्स
Vivo S10e स्मार्टफोन फोन चीनमध्ये यावर्षीच्या शेवटी सादर केला जाऊ शकतो. मीडिया रिपोर्टनुसार हा फोन आयताकृती रियर कॅमेरा सेटअपसह बाजारात येईल. यात कंपनी तीन कॅमेरा सेन्सर आणि एलईडी फ्लॅश देऊ शकते. हा विवो फोन ब्लॅक, व्हाइट आणि पिंक कलर ऑप्शनमध्ये सादर केला जाईल. फोनच्या फ्रंट पॅनलवर वॉटर ड्रॉप नॉच दिली जाऊ शकते.
TENAA च्या लिस्टिंगनुसार हा फोन 6.44-इंचाचा Full HD+ डिस्प्लेला सपोर्ट करेल. हा AMOLED डिस्प्ले असेल, ज्याचा रिफ्रेश रेट 90Hz असेल. Vivo S10e स्मार्टफोन MediaTek Dimensity 900 SoC सह बाजारात येईल.
फोनमधील ट्रिपल रियर कॅमेरा सेटअपमध्ये 64MP Samsung GW2 चा मुख्य सेन्सर, 8 मेगापिक्सलची अल्ट्रा वाईड अँगल लेन्स आणि 2 मेगापिक्सलचा मॅक्रो कॅमेरा दिला जाईल. या फोनमध्ये 32MP Sony IMX615 सेन्सर फ्रंट कॅमेरा म्हणून देण्यात येईल. तसेच या फोनमध्ये 4000mAh ची बॅटरी मिळेल. ही बॅटरी 44W फास्ट चार्जिंगला सपोर्ट करेल.
Vivo S10e ची किंमत
Vivo S10e हा फोन दोन व्हेरिएंटमध्ये सादर केले जाऊ शकतात. जे 8GB RAM + 128GB आणि 8GB RAM + 256GB स्टोरेज अशा दोन ऑप्शनसह सादर केला जाऊ शकतो. यातील छोट्या व्हेरिएंटची किंमत 2,499 युआन (सुमारे ₹29,250 रुपये), तर मोठा मॉडेल 2,799 युआन (सुमारे ₹ 32,750) आहे.