Vivo समर सेलमध्ये आपल्या स्मार्टफोनवर समर सेल अंतर्गत जबरदस्त कॅशबॅक देत आहे. या ऑफर अंतर्गत फेब्रुवारीमध्ये लाँच झालेला Vivo V23e 5G स्मार्टफोन देखील 5000 रुपयांच्या डिस्काउंटसह विकत घेता येईल. लाँचनंतर पहिल्यांदाच 44MP Selfie Camera, 50MP Rear Camera, 8GB RAMआणि मीडियाटेक डिमेन्सिटी 810 प्रोसेसर असलेला हा डिवाइस इतका स्वस्तात विकत घेता येईल.
Vivo V23e 5G वरील कॅशबॅक ऑफर
Vivo V23e स्मार्टफोन विवो ऑनलाइन स्टोरवरून विकत घेताना आयसीआयसीआय बँकेच्या क्रेडिट कार्डवर 5000 रुपयांचा कॅशबॅक मिळेल. तर ऑफलाईन खरेदी करताना तुम्ही एसबीआय, आयडीएफसी फर्स्ट बँक आणि वन कार्ड क्रेडिट कार्डचा वापर करून ही सूट मिळवू शकता. हा फोन 25,990 रुपयांमध्ये भारतात लाँच झाला आहे.
Vivo V23e 5G चे स्पेसिफिकेशन्स
Vivo V23e 5G मध्ये 6.44 इंचाचा फुलएचडी+ अॅमोलेड डिस्प्ले मिळतो. प्रोसेसिंगसाठी यात मीडियाटेक डिमेन्सिटी 810 चिपसेटची ताकद देण्यात आली आहे. त्याचबरोबर 8GB RAM आणि 128GB स्टोरेज मिळते. ही स्टोरेज 1TB पर्यंत वाढवता येते, तसेच एक्सटेंडेड रॅम फिचर वापरून 4GB अतिरिक्त रॅम देखील मिळवता येईल हा डिवाइस अँड्रॉइड 12 आधारित फनटच ओएस 12 वर चालतो. या ड्युअल सिम फोनमध्ये इन-डिस्प्ले फिंगरप्रिंट सेन्सर मिळतो. पावर बॅकअपसाठी 4,050एमएएचची बॅटरीला 44W फास्ट चार्जिंग सपोर्टसह देण्यात आली आहे.
Vivo V23e 5G मध्ये पावर पॅक कॅमेरा सेटअप देण्यात आला आहे. याची सुरुवात 44 मेगापिक्सलच्या सेल्फी कॅमेऱ्यापासून होते. तसेच फोनच्या बॅक पॅनलवर एलईडी फ्लॅशसह ट्रिपल कॅमेरा सेटअप देण्यात आला आहे. या सेटअपमध्ये 50 मेगापिक्सलचा प्रायमरी सेन्सर, 8 मेगापिक्सलची अल्ट्रा वाईड अँगल लेन्स आणि 2 मेगापिक्सलची मॅक्रो लेन्स मिळते.