TECNO ने काही दिवसांपूर्वी आपला दमदार स्मार्टफोन Tecno Pova 2 लाँच केला आहे. या स्मार्टफोनमध्ये 7000mAh ची दमदार बॅटरी देण्यात आली आहे. या स्मार्टफोनमध्ये 6GB पर्यंत रॅम आणि 128GB पर्यंत स्टोरेज मिळत आहे. हा फोन दोन व्हेरिएंटमध्ये लाँच केला गेला आहे. हा ई-कॉमर्स प्लॅटफॉर्म अॅमेझॉनवरून विकत घेता येईल.
Tecno Pova 2 ची किंमत
टेक्नो पोवा 2 स्मार्टफोनच्या 4GB रॅम + 64GB स्टोरेज मॉडेल 10,999 रुपयांमध्ये लाँच झाला आहे, तर 6GB रॅम + 128GB स्टोरेज व्हेरिएंटची किंमत 12,999 रुपये आहे. हा स्मार्टफोन ई-कॉमर्स प्लॅटफॉर्म Amazon वरून आजपासून विकत घेता येईल. लाँच ऑफर अंतर्गत या दोन्ही व्हेरिएंटवर 500 रुपयांचा डिस्काउंट दिला जात आहे.
Tecno Pova 2 स्पेसिफिकेशन्स
Tecno Pova 2 मध्ये 6.9-इंचाचा फुल एचडी+ आयपीएस एलसीडी डिस्प्ले देण्यात आला आहे. या फोनमध्ये ऑक्टा-कोर MediaTek Helio G85 चिपसेट देण्यात आला आहे. हा फोन 6GB रॅम आणि 128GB स्टोरेजसह सादर झाला आहे. ही स्टोरेज मायक्रोएसडी कार्डने वाढवता येते. हा टेक्नो स्मार्टफोन Android 11 वर आधारित HiOS 7.6 वर चालतो.
Tecno Pova 2 मध्ये फोटोग्राफीसाठी क्वाड रियर कॅमेरा सेटअप देण्यात आला आहे. यात 48 मेगापिक्सलचा मुख्य कॅमेरा सेन्सर, 2 मेगापिक्सलचा मॅक्रो सेन्सर, 2 मेगापिक्सलचा डेप्थ सेन्सर आणि 2 मेगापिक्सलचा AI फोटोग्राफी सेन्सर देण्यात आला आहे. हा फ्रंटला 8 मेगापिक्सलच्या सेल्फी कॅमेऱ्याला सपोर्ट करतो. टेक्नो पोवा 2 मध्ये 7,000mAh ची दमदार बॅटरी 18W फास्ट चार्ज सपोर्टसह देण्यात आली आहे.