iQOO सध्या अनेक दमदार स्मार्टफोन सादर करत आहे. विवोचा सब-ब्रँड असून देखील कंपनी विवोला टक्कर देत आहे. आता चीनमध्ये iQOO Neo 6 SE स्मार्टफोन लाँच करण्यात आला आहे Neo 6 लाईनअपमधील हा स्वस्त डिवाइस आहे. लेटेस्ट iQOO Neo 6 SE स्मार्टफोनमध्ये 12GB RAM, अँड्रॉइड 12, 120Hz रिफ्रेश रेट आणि 64MP कॅमेरा देण्यात आला आहे.
iQOO Neo 6 SEचे स्पेसिफिकेशन्स
iQOO Neo 6 SE स्मार्टफोनमध्ये 6.62-इंचाचा FHD+ E4 AMOLED डिस्प्ले देण्यात आला आहे. जो 120Hz रिफ्रेश रेट आणि 1300 निट्स पीक ब्राईटनेसला सपोर्ट करतो. iQOO Neo 6 SE स्मार्टफोनमध्ये ट्रिपल रियर कॅमेरा सेटअप देण्यात आला आहे. ज्यात 64MP चा प्रायमरी कॅमेरा OIS ला सपोर्टसह मिळतो. सोबत 8MP ची अल्ट्रावाईड लेन्स आणि 2MP चा मॅक्रो कॅमेरा आहे. यात 16MP चा सेल्फी शूटर देण्यात आला आहे.
iQOO Neo 6 SE स्मार्टफोनमध्ये क्वालकॉमचा Snapdragon 870 प्रोसेसर देण्यात आला आहे. जो जुन्या जेनरेशनचा फ्लॅगशिप प्रोसेसर आहे. सोबत 12GB पर्यंतचा LPDDR4x RAM आणि 256GB पर्यंतची वेगवान UFS 3.1 स्टोरेज मिळते. सह सादर केला गेला आहे. आयकूचा हा अँड्रॉइड 12 स्मार्टफोन OriginOS Ocean वर चालतो. यातील लिक्विड कूलिंग सिस्टम हेवी परफॉर्मन्सनंतर देखील फोन थंड ठेवते.
iQOO Neo 6 SE स्मार्टफोनमध्ये पावर बॅकअपसाठी 4,700mAh ची बॅटरी मिळते जी 80W फास्ट चार्जिंगला सपोर्ट करते. तसेच यात X-अॅक्सिस लीनियर व्हायब्रेशन मोटर आणि इन-डिस्प्ले फिंगरप्रिंट सेन्सर मिळतो. तर कनेक्टिव्हिटीसाठी Bluetooth 5.2, NFC, 5G, 4G LTE आणि Wi-Fi मिळतो.
iQOO Neo 6 SEची किंमत
iQOO Neo 6 SE स्मार्टफोनचे तीन व्हेरिएंट चीनमध्ये आले आहेत. 8GB/128GB मॉडेल 1,999 युआन (सुमारे 23,100 रुपये) मध्ये विकत घेता येईल. तर 8GB/256GB आणि 12GB/256GB स्टोरेज व्हेरिएंटची किंमत अनुक्रमे 2,299 युआन (सुमारे 26,550 रुपये) आणि 2,499 युआन (सुमारे 28,850 रुपये) ठेवण्यात आली आहे. हा डिवाइस ऑरेंज, इंटरस्टेलर आणि निऑन कलरमध्ये विकत घेता येईल.