कमी किंमतीत सॅमसंगचा फ्लॅगशिप अनुभव देणाऱ्या Samsung Galaxy S21 FE ची वाट कंपनीचे चाहते बघत आहेत. गेले कित्येक दिवस लीक आणि रिपोर्ट्समधून या फोनची माहिती मिळाली आहे, परंतु लाँच डेट मात्र अजून समजली नाही. परंतु आता Galaxy S21 FE ची लाँच डेट समोर आली आहे. त्याचबरोबर Samsung Galaxy S22 सीरीजची लाँच डेटचा खुलासा झाला आहे.
Samsung Galaxy S21 FE लाँच डेट
Samsung Galaxy S21 FE फोन पुढील वर्षी 4 जानेवारीला लाँच केला जाऊ शकतो, अशी माहिती टिपस्टर जॉन प्रोसेर यांनी दिली आहे. लाँच नंतर एक आठवड्याने हा फोन विक्रीसाठी उपलब्ध होईल. लीकनुसार 11 जानेवारीपासून विकत घेता येईल.
Samsung Galaxy S22 Series लाँच डेट
लीकनुसार, Samsung Galaxy S22 सीरीज 8 फेब्रुवारी, 2021 ला लाँच केली जाईल. लाँचनंतर हा फोन प्री ऑर्डर करता येईल तर 18 फेब्रुवारीपासून हा फोन विकत घेता येईल.
Samsung Galaxy S21 FE चे स्पेसिफिकेशन्स
Samsung Galaxy S21 FE स्मार्टफोनमध्ये फुल एचडी+ डिस्प्ले देण्यात येईल. हा डिस्प्ले पंच होल डिजाईनसह सादर केला जाईल. प्रोसेसिंगच्या बाबतीत या स्मार्टफोनचे फ्लॅगशिप स्टेटस दिसून येते. Galaxy S21 FE मध्ये Qualcomm Snapdragon 888 SoC देण्यात येईल. तसेच फोनमध्ये 6GB RAM आणि Adreno 660 GPU मिळू शकतो.
Samsung Galaxy S21 FE च्या बॅक पॅनलवर ट्रिपल रियर कॅमेरा सेटअप मिळू शकतो. याआधी आलेल्या रिपोर्ट्सनुसार या स्मार्टफोनमध्ये 12MP चा ट्रिपल रियर कॅमेरा सेटअप आणि 32MP सेल्फी कॅमेरा दिला जाऊ शकतो. तळाला स्पिकर ग्रिल, सिम ट्रे आणि USB Type-C पोर्ट देण्यात येईल. तर डाव्या पॅनलवर पावर बटण असेल. सिक्योरिटीसाठी या स्मार्टफोनमध्ये इन-डिस्प्ले फिंगरप्रिंट सेन्सर दिला जाईल.
टेना लिस्टिंगनुसार, Samsung Galaxy S21 FE मध्ये 6.4-इंचाचा अॅमोलेड डिस्प्ले असू शकतो. हा डिस्प्ले 120Hz रिफ्रेश रेटला सपोर्ट करेल. लिस्टिंगमधून 4,370 mAh च्या बॅटरीची माहिती समोर आली आहे. अलीकडेच समोर आलेल्या FCC आणि 3C सर्टिफिकेशनच्या लिस्टिंगनुसार फोनमध्ये क्रमशः 45 वॉट आणि 25 वॉट फास्ट चार्जिंग असू शकते. गीकबेंचवर Samsung Galaxy S21 FE स्नॅपड्रॅगन 888 SoC प्रोसेसर आणि 8GB रॅमसह लिस्ट झाला होता.