सॅमसंगनं अधिकृतपणे Galaxy Note स्मार्टफोन सीरीज बंद केली आहे. या प्रतिष्ठित स्मार्टफोन सीरिजची जागा आता Galaxy S-सीरीजमधील अल्ट्रा मॉडेल घेत आहे. यंदाच्या मोबाईल वर्ल्ड कांग्रेस (MWC) 2022 मधून कंपनीनं ही घोषणा केली आहे. सॅमसंग स्मार्टफोन चीफ Roh Tae-Moon यांनी इव्हेंटमध म्हटले कि, “Galaxy Note आता Ultra नावानं येईल.”
Galaxy Note ची जागा Galaxy S Ultra घेणार
शेवटची नोट सीरिज 2020 मध्ये Galaxy Note 20 नावानं सादर करण्यात आली होती. परंतु त्यानंतर Galaxy S सीरिजच्या Ultra मॉडेलमध्ये नोट सीरिजची ओळख असलेला S-Pen सपोर्ट देण्यात आला. गेल्यावर्षी कंपनीनं नोट सीरिज यंदा येणार नाही, असं सांगितलं. परंतु कायमची बंद करण्याबाबत कंपनीनं कोणतीही माहिती दिली नव्हती.
यंदा आलेल्या Galaxy S22 Ultra स्मार्टफोनमध्ये कंपनीनं S-Pen सपोर्टसह स्टायलस ठेवण्यासाठी एक खास जागा दिली आहे. असा स्लॉट याआधी फक्त नोट सीरीजमध्ये मिळत असे. यामुळे Galaxy Note 21 सीरीज कधीच येणार नसल्याचं लोकांना वाटू लागलं होतं. आणि आता MWC 2022 च्या मंचावरून सॅमसंगनं नोट सीरीज संपल्याची अधिकृत घोषणा केली आहे.
हे देखील वाचा: