Samsung ने आज गॅलेक्सी ‘एम’ सीरीजचा नवीन स्मार्टफोन भारतात लाँच केला आहे. हा फोन Samsung Galaxy M32 या नावाने बाजारात दाखल झाला आहे. नावाने मार्केटमध्ये एंट्री घेतली आहे. या फोनची किंमत 14,999 रुपयांपासून सुरु होईल आणि हा फोन ऑनलाइन तसेच ऑफलाईन रिटेल स्टोरवर देखील उपलब्ध होईल. (Samsung Galaxy M32 launched in India with 14,999 base price)
Samsung Galaxy M32 चे स्पेसिफिकेशन्स
सॅमसंग गॅलेक्सी एम32 स्मार्टफोन 6.4 इंचाच्या फुलएचडी+ इनफिनिटी ‘यू’ डिस्प्लेसह लाँच करण्यात आला आहे. हा एक 90हर्ट्ज रिफ्रेश रेटवर काम करणारा सुपर अ‍ॅमोलेड डिस्प्ले आहे. हा अँड्रॉइड 11 ओएसवर आधारित सॅमसंग वन युआयवर चालतो.
Samsung Galaxy M32 मध्ये Mediatek Helio G80 चिपसेट देण्यात आला आहे. भारतात हा फोन 4 जीबी रॅम + 64 जीबी स्टोरेज आणि 6 जीबी रॅम + 128 जीबी अश्या दोन व्हेरिएंटमध्ये लाँच झाला आहे. या फोन्सची स्टोरेज मायक्रोएसडी कार्डने 1टीबी पर्यंत वाढवता येते.
सॅमसंगच्या या स्मार्टफोनमध्ये क्वाड रियर कॅमेरा सेटअप देण्यात आला आहे. फोनच्या मागे एलईडी फ्लॅशसह 64 एमपीचा मुख्य कॅमेरा, 8 एमपीची अल्ट्रावाईड लेन्स, 2 एमपीची मॅक्रो लेन्स आणि 2 एमपीचाच डेप्थ सेन्सर देण्यात आला आहे. सेल्फी आणि व्हिडीओ कॉलिंगसाठी या फोनमध्ये 20 एमपीचा फ्रंट कॅमेरा मिळतो.
या ड्युअल सिम फोनमध्ये 4जी एलटीई सोबतच बेसिक कनेक्टिविटी फीचर्स देण्यात आले आहेत. सिक्योरिटीसाठी फोनमध्ये साईड माउंटेड फिंगरप्रिंट सेन्सर देण्यात आला आहे. या सॅमसंग स्मार्टफोनमध्ये 6,000एमएएचची मोठी बॅटरी देण्यात आली आहे. हि बॅटरी 25W फास्ट चार्जिंग टेक्नॉलॉजीला सपोर्ट करते.
Samsung Galaxy M32 ची किंमत
सॅमसंग गॅलेक्सी एम32 स्मार्टफोनचा 4जीबी रॅम+ 64 जीबी स्टोरेज व्हेरिएंट 14,999 रुपयांमध्ये लाँच झाला आहे. तर 6 जीबी रॅम + 128 जीबी स्टोरेज व्हेरिएंटची किंमत 16,999 रुपये आहे. हा फोन Black आणि Light Blue कलरमध्ये अमेझॉन इंडिया, सॅमसंग वेबसाइट आणि रिटेल स्टोर्सवर 28 जूनपासून खरेदीसाठी उपलब्ध होईल.