Samsung ने येत्या 11 ऑगस्ट रोजी ‘Galaxy Unpacked’ इव्हेंटचे आयोजन केले आहे. कंपनी या इव्हेंटमधून दोन फोल्डेबल डिवाइस टेक मंचावर सादर करू शकते. हे फ्लॅगशिप फोल्डेबल स्मार्टफोन जगभरात उपलब्ध होतील. दुसरीकडे कंपनीने आज भारतात एक नवीन लो बजेट स्मार्टफोन Samsung Galaxy M21 2021 Edition लाँच केला आहे. या स्मार्टफोनची किंमत 12,499 रुपयांपासून सुरु होता आहे, हा सॅमसंग फोन 26 जुलैपासून ई-कॉमर्स साइट अमेझॉन इंडियावर खरेदीसाठी उपलब्ध होईल. (Samsung Galaxy M21 2021 Edition launched with 6,000mAh battery, 48MP triple cameras, and more)
Samsung Galaxy M21 2021 Edition ची किंमत
4GB रॅम आणि 64GB स्टोरेज व्हेरिएंट- 12,499 रुपये
6GB रॅम आणि 128GB स्टोरेज व्हेरिएंट - 14,499 रुपये
Samsung Galaxy M21 2021 Edition येत्या 26 जुलैपासून Arctic Blue आणि Charcoal Black कलर ऑप्शन्ससह अ‍ॅमेझॉन इंडियावरून विकत घेता येईल.
Samsung Galaxy M21 2021 Edition चे स्पेसिफिकेशन्स
Samsung Galaxy M21 2021 Edition मध्ये 6.4-इंचाचा फुल एचडी+ सुपर अ‍ॅमोलेड डिस्प्ले देण्यात आला आहे. हा डिस्प्ले 19.5:9 अस्पेक्ट रेशियो आणि 1080 x 2340 पिक्सल रिजोल्यूशनला सपोर्ट करतो. या फोनमध्ये सॅमसंगचाच एक्सनॉस 9611 चिपसेट आणि माली जी72 जीपीयू आहे. हा सॅमसंग फोन अँड्रॉइड 11 आधारित सॅमसंग वन युआयवर चालतो.
Samsung Galaxy M21 2021 Edition मध्ये एलईडी फ्लॅशसह ट्रिपल रियर कॅमेरा मिळत आहे. यात 48-मेगापिक्सलचा मुख्य सेन्सर देण्यात आला आहे. त्याचबरोबर 5-मेगापिक्सलचा डेप्थ सेन्सर आणि 8-मेगापिक्सलची वाईड अँगल लेन्स देण्यात आली आहे. सेल्फी व व्हिडीओ कॉलिंगसाठी या सॅमसंग फोनमध्ये 20-मेगापिक्सलचा फ्रंट कॅमेरा आहे. पावर बॅकअपसाठी या फोनमध्ये 18वॉट फास्ट चार्जिंगसह 6,000एमएएचची बॅटरी मिळते.