सॅमसंगने आपल्या 5G Phone च्या ताफ्यात नवीन स्मार्टफोन Samsung Galaxy F42 जोडला आहे. या फोनची किंमत 20,999 रुपयांपासून सुरु होणार आहे. हा फोन 3 ऑक्टोबरला सुरु होणाऱ्या फ्लिपकार्ट बिग बिलियन डेज सेलमध्ये विकत घेता येईल. या डिवाइसमध्ये 64MP कॅमेरा, 8GB RAM, 90Hz रिफ्रेश रेट आणि 5,000mAh बॅटरी अशा दमदार स्पेक्ससह बाजारात आला आहे. (Samsung 5G Phone Galaxy F42 5G launched in India with 64MP camera)
Samsung Galaxy F42 5G ची किंमत
सॅमसंग गॅलेक्सी एफ42 5जी चे दोन व्हेरिएंट भारतात सादर करण्यात आले आहेत. या फोनच्या छोट्या व्हेरिएंटमध्ये 6GB RAM आणि 128GB स्टोरेज मिळते, ज्याची किंमत 20,999 रुपये ठेवण्यात आली आहे. तर फोनचा 8GB RAM आणि 128GB इंटरनल स्टोरेज असलेला मॉडेल 22999 रुपयांमध्ये विकत घेता येईल.
Samsung Galaxy F42 5G चे स्पेसिफिकेशन्स
Samsung Galaxy F42 5G स्मार्टफोनमध्ये 6.6 इंचाचा फुलएचडी+ डिस्प्ले देण्यात आला आहे. 1080 x 2408 पिक्सल रिजोल्यूशन आणि 90Hz रिफ्रेश रेट असलेला हा एक टीएफटी पॅनल आहे. या फोनमध्ये कंपनीने मीडियाटेकचा डायमेनसिटी 700 चिपसेट देण्यात आला आहे. ग्राफिक्ससाठी हा सॅमसंग फोन माली जी57 जीपीयूला सपोर्ट करतो. हा 5G फोन अँड्रॉइड 11 ओएससह वनयुआयवर चालतो.
या लेटेस्ट सॅमसंग फोनमध्ये 8GB पर्यंतचा RAM आणि 128GB स्टोरेज देण्यात आली आहे. ही स्टोरेज मायक्रोएसडी कार्डने वाढवता येते. या स्मार्टफोनचा कॅमेरा सेगमेंट पाहता, याच्या बॅक पॅनलवर ट्रिपल कॅमेरा सेटअप मिळतो. फोनच्या बॅक पॅनलवर एलईडी फ्लॅशसह 64 मेगापिक्सलचा मुख्य सेन्सर, 5 मेगापिक्सलची अल्ट्रावाईड अँगल लेन्स आणि 2 मेगापिक्सलचा डेप्थ सेन्सर मिळतो. या फोनच्या फ्रंट पॅनलवर 8 मेगापिक्सलचा सेल्फी कॅमेरा देण्यात आला आहे.
Samsung Galaxy Wide5 5G मध्ये सिक्योरिटीसाठी साईड माऊंटेड फिंगरप्रिंट सेन्सर आणि फेस अनलॉक फिचर देखील देण्यात आले आहे. हा एक ड्युअल सिम फोन आहे जो बेसिक कनेक्टिविटी फीचर्सला सपोर्ट करतो. पावर बॅकअपसाठी या सॅमसंग फोनमध्ये 5,000एमएएचची बॅटरी देण्यात आली आहे जी 15वॉट फास्ट चार्जिंगला सपोर्ट करते.