बजेट आणि मिड रेंज स्मार्टफोन्समध्ये Redmi Note सीरिजचे स्मार्टफोन खूप लोकप्रिय आहेत. या यशामागील एक कारण म्हणजे शाओमी सतत या सीरिजमध्ये नवनवीन फीचर्स आणि स्पेसिफिकेशन्स देत असते. यावर्षी कंपनीने Redmi Note 10 सीरिज सादर केली होती, तर पुढल्या वर्षीच्या सुरुवातीला Redmi Note 11 सीरीज येऊ शकते. आता प्रथमच Redmi Note 11 लाइनअपचे लीक आहे आहे. Technizo Concept आणि LetsGoDigital ने कल्पनेवर आधारित Redmi Note 11 Pro चे कॉन्सेप्ट रेंडर्स प्रकाशित केले आहेत. (Redmi Note 11 lineup is expected to launch in early 2022)
Redmi Note 11 Pro कसा दिसले हे LetsGoDigital आणि Technizo Concept मिळून रेंडर्सचे फोटो आणि व्हिडीओ जारी करून दाखवले आहे. Redmi Note 11 Pro कसा असेल हे फक्त कल्पनेवर आधारित रेंडर्स असून याबाबत कोणतीही अधिकृत माहिती समोर आलेली नाही. जेव्हा Redmi Note 11 Pro लाँच होईल तेव्हा त्याची डिजाईन आणि फीचर्स पूर्णपणे वेगळे देखील असू शकतात.
समोर आलेल्या रेंडर्सनुसार, Redmi Note 11 Pro च्या फ्रंट डिस्प्लेवर वरच्या बाजूला मध्यभागी एक पंच होल दिला जाऊ शकतो. या पंच होलमध्ये सेल्फी कॅमेरा दिला जाऊ शकतो. या रेंडर्समध्ये फोनच्या मागे रियर कॅमेरा सेटअपसाठी एक आयताकृती उंचवटा मिळू शकतो. या कॅमेरा सेटअपमध्ये तीन कॅमेरा सेन्सर दिसत आहेत.
Redmi Note 11 Pro कॉन्सेप्ट रेंडर्स व्हिडीओ:
या डिवाइसमध्ये उजवीकडे पावर आणि वॉल्यूम बटण दिसत आहेत आणि डावीकडे एक सिम कार्ड स्लॉट देण्यात आला आहे. Redmi Note 11 Pro च्या रेंडर्समध्ये फोनच्या अग्रभागी 3.5mm ऑडियो जॅक आणि एक स्पिकर ग्रिल देण्यात आली आहे आणि तळाला अजून एक स्पिकर ग्रिल आणि एक USB टाइप-C पोर्ट आहे. Redmi Note 10 Pro प्रमाणे हा फोन ग्लास/ग्लॉसी बॅक पॅनल मिनिमलिस्टिक दिसत आहे. Redmi Note 11 Pro चे रेंडर्स ब्लॅक आणि सिल्वर रंगात सादर करण्यात आले आहेत.
या रेंडर्समध्ये Redmi Note 11 Pro ची डिजाइन खूप आकर्षक दिसत आहे. परंतु वर सांगितल्याप्रमाणे ही फक्त एक कल्पना आहे, लाँच होणारा Redmi Note 11 Pro वेगळा असू शकतो.