Realme ने भारतात Realme Watch 2 Pro आणि Realme Watch 2 हे दोन किफायतशीर स्मार्टवॉच लाँच केले आहेत. या स्मार्टवॉचमध्ये रक्तातील ऑक्सिजनचा स्थर मोजण्यासाठी SpO2 सेन्सर, हार्ट रेट सेन्सर आणि 90 ओउटडोर व इनडोर स्पोर्ट्स मोड देण्यात आले आहेत. (Realme watch 2 and watch 2 pro launched in India with heart rate sensor and spo2 monitor)
Realme Watch 2 Pro आणि Realme Watch 2 ची किंमत
Realme Watch 2 Pro ची किंमत 4,999 रुपये आहे. हा स्मार्टवॉच 26 जुलैपासून Realme.com आणि अ‍ॅमेझॉन इंडियावर उपलब्ध होईल. Realme Watch 2 स्मार्टवॉच 3,499 रुपयांमध्ये लाँच करण्यात आला आहे. हा डिवाइस Realme.com आणि फ्लिपकार्टवरून 26 जुलैपासून विकत घेता येईल. लाँच ऑफर अंतगर्त Realme Watch 2 स्मार्टवॉच 500 रुपयांच्या डिस्काउंटसह 2,999 रुपयांमध्ये विकत घेता येईल.
Realme Watch 2 Pro चे स्पेसिफिकेशन्स
Realme Watch 2 Pro मध्ये 1.75 इंचाचा कलर टचस्क्रीन डिस्प्ले 320x385 पिक्सल रिजोल्यूशनसह देण्यात आला आहे. यात 100 पेक्षा जास्त वॉच फेसेस देण्यात आले आहेत. यात हार्ट रेट सेन्सर आणि SpO2 मॉनिटर मिळतो.
Realme Watch 2 Pro फक्त अँड्रॉइड डिव्हाईसेस सोबत वापरता येतो. यात 90 स्पोर्ट्स मोड देण्यात आले आहेत. तसेच हा स्मार्टवॉच झोप, पाऊले, कॅलरी आणि अंतर देखील मोजतो. या स्मार्टवॉचमधून तुमच्या स्मार्टफोनमधील म्युजिक आणि कॅमेरा नियंत्रित करता येईल. या रियलमी स्मार्टवॉचमध्ये IP86 वॉटर रेजिस्टन्स देण्यात आला आहे. Realme Watch 2 Pro मधील 390mAh ची बॅटरी एका चार्जमध्ये 14 दिवसांचा बॅटरी बॅकअप देऊ शकते.
Realme Watch 2 चे स्पेसिफिकेशन्स
Realme Watch 2 मध्ये 1.4 इंचाचा एलसीडी टचस्क्रीन डिस्प्ले 320x320 पिक्सल रिजोल्यूशनसह देण्यात आला आहे. हा डिस्प्ले कॉर्निंग गोरिल्ला ग्लास 3 ने प्रोटेक्ट करण्यात आला आहे. या स्मार्टवॉच हार्ट रेट सेन्सर आणि SpO2 मॉनिटर देण्यात आला आहे. यात देखील Realme Watch 2 Pro प्रमाणे 90 स्पोर्ट्स मोड आहेत. या रियलमी स्मार्टवॉचमधील 315mAh ची बॅटरी 12 दिवसांचा बॅटरी बॅकअप देते.