Budget Smartwatch: रियलमीने यावर्षी जुलैमध्ये Realme Watch 2 भारतात लाँच केली होती. लाँचच्या वेळी या स्मार्टवॉचचा फक्त एकच ब्लॅक कलर व्हेरिएंट उपलब्ध झाला होता. आता कंपनी या स्मार्टवॉचमध्ये नवीन रंग भरणार आहे. कंपनी रियलमी वॉच 2 चा गोल्ड कलर ऑप्शन सादर करणार आहे, अशी माहिती टिपस्टर मुकुल शर्माने दिली आहे.
91Mobiles च्या रिपोर्टनुसार Realme Watch 2 चा स्पेशल गोल्ड कलर ऑप्शन लवकरच बाजारात उपलब्ध होऊ शकतो. हा खास स्मार्टवॉच या महिन्यात किंवा यावर्षीच्या अखेरपर्यंत सादर केला जाईल. या नव्या व्हेरिएंटमध्ये कलर वगळता बाकी स्पेक्स आणि फीचर्स बदलणार नाहीत अशी अपेक्षा आहे.
Realme Watch 2 चे स्पेसिफिकेशन्स
Realme Watch 2 मध्ये 1.4 इंचाचा एलसीडी टचस्क्रीन डिस्प्ले 320x320 पिक्सल रिजोल्यूशनसह देण्यात आला आहे. हा डिस्प्ले कॉर्निंग गोरिल्ला ग्लास 3 ने प्रोटेक्ट करण्यात आला आहे. या स्मार्टवॉच हार्ट रेट सेन्सर आणि SpO2 मॉनिटर देण्यात आला आहे. यात 90 स्पोर्ट्स मोड आहेत. हा स्मार्टवॉच Bluetooth v5 आणि IP68 रेटिंग देण्यात आली आहे. या रियलमी स्मार्टवॉचमधील 315mAh ची बॅटरी 12 दिवसांचा बॅटरी बॅकअप देते.
Realme Watch 2 ची किंमत
Realme Watch 2 स्मार्टवॉच 3,499 रुपयांमध्ये लाँच करण्यात आला आहे. हा डिवाइस Realme.com आणि फ्लिपकार्टवरून विकत घेता येईल.