Realme आपल्या नारजो सीरिजचा विस्तार केला आहे. कंपनीनं याआधी या सीरिजमध्ये तीन स्मार्टफोन सादर केले आहेत. त्यात आता Realme Narzo 50A Prime ची भर पडली आहे. हा फोन सध्या इंडोनेशियामध्ये सादर करण्यात आला आहे. ज्यात 50MP कॅमेरा, Unisoc T612 चिपसेट, 4GB आणि 5000mAh ची बॅटरी देण्यात आली आहे.
Realme Narzo 50A Prime
या रियलमी फोनमध्ये 6.6 इंचाचा फुलएचडी+ आयपीएस एलसीडी डिस्प्ले मिळतो. जो 600निट्स पोक ब्राईटनेसला सपोर्ट करतो. कंपनीनं हा फोन अँड्रॉइड 11 ओएस बेस्ट रियलमी युआय आर एडिशनसह सादर केला आहे. यात ऑक्टाकोर प्रोसेसरसह Unisoc T612 चिपसेट देण्यात आला आहे. सोबत 4 जीबी रॅम आणि 128 जीबी पर्यांतची इंटरनल मेमरी मिळते.
फोटोग्राफीसाठी या फोनमध्ये ट्रिपल रियर कॅमेरा देण्यात आला आहे. ज्यात एलईडी फ्लॅशसह 50 मेगापिक्सलचा प्रायमरी सेन्सर, 2 मेगापिक्सलचा ब्लॅक अँड व्हाईड सेन्सर आणि 2 मेगापिक्सलची मॅक्रो लेन्स आहे. फ्रंटला 8 मेगापिक्सलचा सेन्सर आहे. बेसिक कनेक्टिव्हिटी फीचर्ससह सिक्योरिटीसाठी साईड फिंगरप्रिंट सेन्सर आहे. तर पावर बॅकअपसाठी 5,000एमएएच बॅटरी 18वॉट फास्ट चार्जिंगसह मिळते.
Realme Narzo 50A Prime ची किंमत
रियलमी नारजो 50ए प्राइमच्या 4 जीबी रॅम व 64 जीबी इंटरनल स्टोरेज मॉडेलची किंमत 1,999,000 IDR (सुमारे 10,500 रुपये) आहे. तर 4 जीबी रॅम व 128 जीबी इंटरनल स्टोरेजसाठी 2,199,000 IDR (सुमारे 11,500 रुपये) मोजावे लागतील. हा फोन भारतात कधी येईल याची माहिती मात्र मिळाली नाही.