Realme इंडियाच्या वेबसाईटवर एक नवीन प्रोडक्ट पेज लाईव्ह करण्यात आला आहे. त्यामुळे लवकरच भारतात Realme Narzo 50A Prime लाँच होईल हे स्पष्ट झालं आहे. हा फोन याआधी इंडोनेशियात लाँच झाला आहे. तिथे यात 50MP कॅमेरा, Unisoc T612 चिपसेट, 4GB आणि 5000mAh ची बॅटरी देण्यात आली आहे. भारतीय व्हेरिएंट देखील अशाच स्पेक्ससह येऊ शकतो.
रियलमीनं फोनच्या लाँचची तारीख सांगितली नाही. परंतु प्रोडक्ट पेजवर ‘कमिंग सून’ लिहलं आहे. तसेच शॉपिंग साईट अॅमेझॉनवर देखील हा फोन लिस्ट करण्यात आला आहे. मीडिया रिपोर्ट्सनुसार Narzo 50A Prime स्मार्टफोन 30 एप्रिलला भारतात लाँच केला जाऊ शकतो. तसेच हा कंपनीचा पहिला फोन असेल ज्याच्या बॉक्समध्ये चार्जर दिला जाणार नाही, अशी बातमी देखील काही दिवसांपूर्वी आली होती. इंडोनेशियामध्ये या फोनची किंमत 10,500 भारतीयां रुपयांच्या आसपास सुरु होते.
Realme Narzo 50A Prime चे स्पेसिफिकेशन्स
या रियलमी फोनमध्ये 6.6 इंचाचा फुलएचडी+ आयपीएस एलसीडी डिस्प्ले मिळतो. जो 600निट्स पोक ब्राईटनेसला सपोर्ट करतो. कंपनीनं हा फोन अँड्रॉइड 11 ओएस बेस्ट रियलमी युआय आर एडिशनसह सादर केला आहे. यात ऑक्टाकोर प्रोसेसरसह Unisoc T612 चिपसेट देण्यात आला आहे. सोबत 4 जीबी रॅम आणि 128 जीबी पर्यांतची इंटरनल मेमरी मिळते.
फोटोग्राफीसाठी या फोनमध्ये ट्रिपल रियर कॅमेरा देण्यात आला आहे. ज्यात एलईडी फ्लॅशसह 50 मेगापिक्सलचा प्रायमरी सेन्सर, 2 मेगापिक्सलचा ब्लॅक अँड व्हाईड सेन्सर आणि 2 मेगापिक्सलची मॅक्रो लेन्स आहे. फ्रंटला 8 मेगापिक्सलचा सेन्सर आहे. बेसिक कनेक्टिव्हिटी फीचर्ससह सिक्योरिटीसाठी साईड फिंगरप्रिंट सेन्सर आहे. तर पावर बॅकअपसाठी 5,000एमएएच बॅटरी 18वॉट फास्ट चार्जिंगसह मिळते.