रियलमीनं आज भारतात दोन दमदार 5G स्मार्टफोन सादर केले आहेत. Realme Narzo 50 5G आणि Narzo 50 Pro 5G स्मार्टफोन भारतात आले आहेत. यातील स्वस्त स्मार्टफोन Realme Narzo 50 5G मीडियाटेकच्या Dimensity 810 5G प्रोसेसरसह बाजारात सादर करण्यात आला आहे. त्याचबरोबर यात 5000mAh ची बॅटरी आणि 33W फास्ट चार्जिंग मिळते.
Realme Narzo 50 5G चे स्पेसिफिकेशन्स
realme Narzo 50 5G स्मार्टफोन 6.6 इंचाच्या फुल एचडी डिस्प्लेसह बाजारात आला आहे. जो 90Hz रिफ्रेश रेट आणि 180Hz टच सॅंप्लिंग रेटला सपोर्ट करतो. कंपनी सेगमेंटमधील सर्वात फास्ट 5G प्रोसेसर MediaTek Dimensity 810 5G दिला आहे. त्याचबरोबर 6GB पर्यंत रॅम आणि 5GB व्हर्च्युअल रॅम मिळतो. सोबत 128GB पर्यंतची स्टोरेज मिळते.
Realme Narzo 50 5G स्मार्टफोनमध्ये ड्युअल रियर कॅमेरा मिळतो. एलईडी फ्लॅश, 48 मेगापिक्सलचा मुख्य कॅमेरा आणि ब्लॅक अँड व्हाइट सेकंडरी कॅमेरा या सेटअपमध्ये आहे. फोनमध्ये 8MP चा सेल्फी कॅमेरा देण्यात आला आहे. या अँड्रॉइड 12 आधारित Realme UI 3.0 वर चालणाऱ्या स्मार्टफोनमध्ये साईड माउंटेड फिंगरप्रिंट सेन्सरची सुरक्षा मिळते. यातील 5000mAh ची बॅटरी 33W फास्ट चार्जिंगला सपोर्ट करते.
Realme Narzo 50 5G ची किंमत
Realme Narzo 50 5G स्मार्टफोनचे तीन व्हेरिएंट आले आहेत. 4GB/64GB स्टोरेज मॉडेलची किंमत 15,999 रुपये आहे. तर 4GB/128GB स्टोरेज आणि 6GB/128GB स्टोरेज मॉडेल्सची अनुक्रमे 16,999 रुपये आणि 17,999 रुपये किंमत आहे. हा फोन हायपर ब्लू आणि हायपर ब्लॅक कलर व्हेरिएंट्समध्ये अॅमेझॉन आणि रियलमीच्या वेबसाईटवरून 24 मेपासून विकत घेता येईल.