Realme नं आपला नवीन फ्लॅगशिप स्मार्टफोन Realme GT 2 Pro गेल्याच आठवड्यात भारतात सादर केला होता. आज या फ्लॅगशिप किलरचा पहिला सेल आहे. ज्यात 12GB RAM, 50MP कॅमेरा, 5000mAh बॅटरी आणि 65W फास्ट चार्जिंगसह आलेला Realme GT 2 Pro स्मार्टफोन तुम्ही डिस्काउंटसह विकत घेऊ शकता. तसेच मोफत गिफ्ट देखील कंपनी देणार आहे.
Realme GT 2 Pro ची किंमत आणि ऑफर्स
Realme GT 2 Pro चा पहिला सेल आज म्हणजे 14 एप्रिल दुपारी 12 वाजता सुरु होईल. या फोनचा 8GB RAM आणि 128GB स्टोरेज मॉडेल 49,999 रुपयांमध्ये विकत घेता येईल. 12GB RAM आणि 256GB स्टोरेज असलेल्या टॉप एन्ड मॉडेलची किंमत 57,999 रुपये आहे. हा फोन पेपर व्हाईट आणि पेपर ग्रीन कलरमध्ये विकत घेता येईल.
हा मोबाईल कंपनीच्या अधिकृत वेबसाईटसह फ्लिपकार्टवरून विकत घेता येईल. लाँच ऑफर अंतगर्त कंपनी या फोनवर 5 हजार रुपयांचा इन्स्टंट डिस्काउंट दिला जात आहे. यासाठी तुम्हाला HDFC किंवा SBI च्या कार्डनं पेमेंट करावं लागेल. इतकंच नव्हे तर कंपनी या फोनच्या खरेदीवर 4,999 रुपयांचं Realme Watch S मोफत देणार आहे.
Realme GT 2 Pro चे स्पेसिफिकेशन
रियलमी जीटी 2 प्रो स्मार्टफोन 2K LTPO AMOLED डिस्प्लेसह येणारा जगातील पहिला स्मार्टफोन आहे. हा एक 1440 x 3216 पिक्सल रिजोल्यूशन असलेला 6.7 इंचाचा डिस्प्ले आहे. जो 120हर्ट्ज रिफ्रेश रेट, 1000हर्ट्ज टच सॅम्पलिंग रेट, 1400निट्स ब्राईटनेस, 5000000:1 कॉन्ट्रास्ट रेशियो आणि 1.07 बिलियन कलरला सपोर्ट करतो. कंपनीनं या डिस्प्लेला कोर्निंग गोरिल्ला ग्लास विक्टसची सुरक्षा दिली आहे.
फोटोग्राफीसाठी हा फ्लॅगशिप रियलमी फोन ट्रिपल रियर कॅमेऱ्याला सपोर्ट करतो. ज्यात 50 मेगापिक्सलचा प्रायमरी सोनी आयएमएक्स766 सेन्सर आहे. सोबत 50 मेगापिक्सलची अल्ट्रा वाईड अँगल लेन्स आणि 2 मेगापिक्सलची मॅक्रो लेन्स देण्यात आली आहे. समोर 32 मेगापिक्सलचा सोनी आईएमएक्स615 सेन्सर सेल्फी कॅमेऱ्याचे काम करतो.
शक्तिशाली Qualcomm Snapdragon 8 Gen 1 चिपसेट realme GT 2 Pro स्मार्टफोनची खासियत म्हणता येतील. हा फोन अँड्रॉइड 12 ओएस आधारित रियलमी युआय 3.0 वर चालतो. कंपनीनं यात 12GB पर्यंत RAM आणि 256GB पर्यंतची इंटरनल स्टोरेज देखील दिली आहे. या फोनमध्ये 5,000एमएएचची बॅटरी देण्यात आली आहे, जी 65W SuperDart फास्ट चार्जिंग टेक्नॉलॉजीला सपोर्ट करते.