जेव्हापासून Realme GT 2 सीरीजची घोषणा जागतिक बाजारात झाली आहे, तेव्हापासून रियलमीचे भारतीय चाहते या फोन्सची वाट बघत आहेत. आता या सीरीजमधील Realme GT 2 आणि Realme GT 2 Pro पैकी प्रो मॉडेल देशात सादर होऊ शकतो. Realme India नं ट्वीट करून सांगतील होतं की Realme GT 2 Pro स्मार्टफोन भारतात 7 एप्रिलला दुपारी 12 वाजता लाँच केला जाईल. परंतु काही वेळानं हे ट्विट डिलीट करण्यात आलं.
त्यानंतर कंपनीनं ट्विटर हँडलवरून Realme GT 2 सीरीज टीज करण्यास सुरुवात केली आहे. कंपनीनं रियलमी जीटी 2 सीरीजचे व्हिडीओ आणि फोटोज पोस्ट करण्यास सुरुवात केली आहे. यावरून लवकरच हा फोन ग्राहकांच्या भेटीला येईल हे निश्चित झालं आहे. तसेच चुकून पोस्ट झालेली 7 एप्रिल 2022 ही तारीखच Realme GT 2 Pro ची लाँच डेट असू शकते.
Realme GT 2 Pro चे स्पेसिफिकेशन
रियलमी जीटी 2 प्रो स्मार्टफोन 2K LTPO AMOLED डिस्प्लेसह येणारा जगातील पहिला स्मार्टफोन आहे. हा एक 1440 x 3216 पिक्सल रिजोल्यूशन असलेला 6.7 इंचाचा डिस्प्ले आहे. जो 120हर्ट्ज रिफ्रेश रेट, 1000हर्ट्ज टच सॅम्पलिंग रेट, 1400निट्स ब्राईटनेस, 5000000:1 कॉन्ट्रास्ट रेशियो आणि 1.07 बिलियन कलरला सपोर्ट करतो. कंपनीनं या डिस्प्लेला कोर्निंग गोरिल्ला ग्लास विक्टसची सुरक्षा दिली आहे.
शक्तिशाली Qualcomm Snapdragon 8 Gen 1 चिपसेट realme GT 2 Pro स्मार्टफोनची खासियत म्हणता येतील. हा फोन अँड्रॉइड 12 ओएस आधारित रियलमी युआय 3.0 वर चालतो. कंपनीनं यात 12GB पर्यंत RAM आणि 512GB पर्यंतची इंटरनल स्टोरेज देखील दिली आहे. या फोनमध्ये 5,000एमएएचची बॅटरी देण्यात आली आहे, जी 65W SuperDart फास्ट चार्जिंग टेक्नॉलॉजीला सपोर्ट करते.
फोटोग्राफीसाठी हा फ्लॅगशिप रियलमी फोन ट्रिपल रियर कॅमेऱ्याला सपोर्ट करतो. ज्यात 50 मेगापिक्सलचा प्रायमरी सोनी आईएमएक्स766 सेन्सर आहे. सोबत 50 मेगापिक्सलची अल्ट्रा वाईड अँगल लेन्स आणि 2 मेगापिक्सलची मॅक्रो लेन्स देण्यात आली आहे. समोर 32 मेगापिक्सलचा सोनी आईएमएक्स615 सेन्सर सेल्फी कॅमेऱ्याचे काम करतो.