Realme GT 2 5G Phone Launch: Realme GT 2 series चीनमध्ये सादर करण्यात आली आहे. या सीरिजमध्ये शक्तिशाली Realme GT 2 Pro सोबत कंपनीनं realme GT 2 लाँच केला आहे. या फोनमध्ये 12GB RAM, 65W फास्ट चार्जिंग, 50MP कॅमेरा, Android 12 आणि 5000mAh ची बॅटरी असे स्पेक्स देण्यात आले आहेत. चला जाणून घेऊया realme GT 2 चे स्पेसिफिकेशन्स आणि किंमत.
Realme GT 2 चे स्पेसिफिकेशन्स
रियलमी जीटी 2 स्मार्टफोन 6.62 इंचाचा फुलएचडी+ अ‍ॅमोलेड डिस्प्ले देण्यात आला आहे. हा डिस्प्ले 120हर्ट्ज रिफ्रेश रेटला सपोर्ट करतो. कंपनीनं या डिस्प्लेला कोर्निंग गोरिल्ला ग्लास 5 ची सुरक्षा दिली आहे. हा फोन अँड्रॉइड 12 आधारित रियलमी युआय 3.0 वर चालतो. प्रोसेसिंगसाठी या फोनमध्ये क्वॉलकॉमचा स्नॅपड्रॅगन 888 चिपसेट आणि एड्रेनो 660 जीपीयूला देण्यात आला आहे. फोनमध्ये 12GB पर्यंत LPDDR5 RAM आणि 256GB पर्यंत UFS 3.1 इंटरनल स्टोरेज मिळेल.
फोटोग्राफीसाठी रियलमी जीटी 2 स्मार्टफोन ट्रिपल रियर कॅमेऱ्याला सपोर्ट करतो. ज्यात 50 मेगापिक्सलचा प्रायमरी सोनी आईएमएक्स776 सेन्सर, 8 मेगापिक्सलची अल्ट्रा वाईड अँगल लेन्स आणि 2 मेगापिक्सलची मॅक्रो लेन्स आहे. फोनमध्ये 16 मेगापिक्सलचा सोनी आईएमएक्स471 सेन्सर फ्रंट कॅमेरा म्हणून देण्यात आला आहे.
Realme GT 2 5G फोन बेसिक कनेक्टिव्हिटीफीचर्ससह इन-डिस्प्ले फिंगरप्रिंट सेन्सर आणि फेस अनलॉक देण्यात आला आहे. पॉवर बॅकअपसाठी या फोनमध्ये 2,500एमएएचच्या दोन बॅटरीज देण्यात आल्या आहेत. ज्यात मिळून 5,000एमएएचची पॉवर देतात. ही बॅटरी 65वॉट फ्लॅश चार्जिंगला सपोर्ट करते.
Realme GT 2 ची किंमत
Realme GT 2 चे तीन तीन व्हेरिएंट्स चीनमध्ये सादर करण्यात आले आहेत. या फोनचा 8 जीबी रॅम आणि 128 जीबी इंटरनल स्टोरेज व्हेरिएंट 2,699 युआन (अंदाजे 31,700₹) आणि 8 जीबी रॅमसह 256 जीबी स्टोरेज व्हेरिएंट 2,899 युआन (सुमारे 34,000₹) मध्ये विकत घेता येईल. तर फोनच्या मोठ्या 12 जीबी रॅम आणि 256 जीबी इंटरनल स्टोरेज व्हेरिएंटसाठी 3,199 युआन (सुमारे 37,400₹) मोजावे लागतील.
हे देखील वाचा:
WhatsApp Scam 2022: 'सॉरी, तुम्ही कोण?' व्हॉट्सअ‍ॅपवरचा हा मेसेज करेल तुमचं बँक अकॉउंट रिकामं