Realme ची बजेट फ्रेंडली ‘रियलमी 9 सीरीज’ भारतात येत आहे. आजच बातमी आली होती कि याती रियलमी 9 स्मार्टफोन BIS वर लिस्ट करण्यात आला आहे. सोबत आता Realme 9i देखील 18 जानेवारीला देशात लाँच केला जाईल, अशी बातमी आली आहे. हा फोन Snapdragon 680 चिपसेट, 6GB RAM, 50MP Camera, 33W fast charging आणि 5,000mAh battery सह लाँच केला जाईल.
Realme 9i India Launch
रियलमीनं सोशल मीडियावरून Realme 9i च्या इंडिया लाँचची माहिती दिली आहे. हा फोन येत्या 18 जानेवारीला 18 जानेवारीला भारतीयांच्या भेटीला येईल. यासाठी कंपनीनं एका ऑनलाईन लाँच इव्हेंटचं आयोजन केलं आहे. हा इव्हेंट कंपनीच्या अधिकृत वेबसाईट, सोशल मीडिया प्लॅटफॉर्म सोबतच यूट्यूब चॅनेलवरून थेट प्रक्षेपित केला जाईल.
Realme 9i चे स्पेसिफिकेशन्स
रियलमी 9आय कंपनीनं 6.6 इंचाच्या फुलएचडी+ डिस्प्लेसह सादर केला आहे. हा पंच-होल असलेला आयपीएस एलसीडी पॅनल 90हर्ट्ज रिफ्रेश रेटला सपोर्ट करतो. हा मोबाईल अँड्रॉइड 11 बेस्ड रियलमी युआय 2.0 वर चालतो. याला प्रोसेसिंगसाठी क्वॉलकॉमच्या स्नॅपड्रॅगन 680 चिपसेटची पॉवर देण्यात आली आहे. सोबत 6 जीबी रॅम +5 जीबी वर्चुअल वचुर्अल रॅम असा एकूण 11जीबी रॅम देण्यात आला आहे. यात 128 जीबी इंटरनल स्टोरेज देखील आहे.
रियलमी 9आय मागे ट्रिपल कॅमेरा सेटअप आहे. ज्यात एलईडी फ्लॅशसह 50 मेगापिक्सलचा प्रायमरी सेन्सर देण्यात आला आहे. तसेच 2 मेगापिक्सलची मॅक्रो लेन्स आणि 2 मेगापिक्सलचा ब्लॅक अँड व्हाईट सेन्सर आहे. सेल्फी आणि व्हिडीओ कॉलिंगसाठी यात 16 मेगापिक्सलचा फ्रंट कॅमेरा आहे. साईड माउंटेड फिंगरप्रिंटसह आलेला हा फोन 5000mAh च्या बॅटरीला सपोर्ट करतो, जी 33W फास्ट चार्जिंग स्पीडनं चार्ज करता येते.
हे देखील वाचा:
अरे वा! 6000mAh ची दणकट बॅटरी असलेला फोन येतोय, अनेक दिवस टिकेल Tecno Pova Neo चा बॅकअप
PF मधील पैसे काढायचे आहेत का? UMANG App वर काही क्लिक्समध्ये होईल काम