Realme Phones: Realme लवकरच बाजारात आपली Realme 9 series चे स्मार्टफोन्स सादर करू शकते. या सीरिजमध्ये Realme 9i, Realme 9 Pro आणि Realme Pro Plus असे तीन स्मार्टफोन सादर केले जातील. यातील 9i या महिन्याच्या अखेरीस लाँच केला जाऊ शकतो. तर 9 Pro आणि 9 Pro+ स्मार्टफोन फेब्रुवारीमध्ये ग्राहकांच्या भेटीला येतील, अशी माहिती टिपस्टर मुकुल शर्मानं दिली आहे.
Realme 9 Pro आणि Realme 9 Pro+ लाँच
Realme 9 Pro मॉडेल नंबर RMX3472 आणि Realme 9 Pro+ मॉडेल नंबर RMX3393 सह लीक झाले आहेत. हे समार्टफोन फेब्रुवारी 2022 मध्ये जागतिक बाजारात येतील. कंपनीनं हे फोन्स लवकरच भारतात येणार असल्याचं आधीच सांगितलं आहे. त्यामुळे आंतरराष्ट्रीय लाँचनंतर भारतीय देखील या फोन्सचा लाभ घेऊ शकतील. लीकनुसार Realme 9 Pro, Realme 9 Pro+ मध्ये MediaTek Dimensity 920 आणि MediaTek Dimensity 810 प्रोसेसर देण्यात येईल. जे 5G ला सपोर्ट करतात.
Realme 9 Pro+ चे लीक स्पेसिफिकेशन्स
Realme 9 Pro+ स्मार्टफोनमध्ये 6.5-इंचाचा FHD+ डिस्प्ले मिळू शकतो. फोनच्या मागे 50MP + 13MP + 8MP + 2MP कॅमेरा सेन्सर असलेले क्वॉड कॅमेरा सेटअप असेल. तर फ्रंटला 16MP चा सेल्फी कॅमेरा मिळू शकतो. Realme 9 Pro+ स्मार्टफोनमध्ये 5,000mAh ची बॅटरी आणि 65W फास्ट चार्जिंगसह दिली जाऊ शकते.
हे देखील वाचा:
OMG! फक्त 7.5 हजारांत दमदार LED TV; नवीन वर्षात Flipkart देतंय बंपर डिस्काउंट