realme नं ठरल्याप्रमाणे आज भारतात Realme 9 Pro आणि Realme 9 Pro+ असे दोन स्मार्टफोन लाँच केले आहेत. या लेखात आपण 90Hz रिफ्रेश रेट, 50MP कॅमेरा, आणि 60W फास्ट चार्जिंग असलेल्या रियलमी 9 प्रो प्लसची माहिती घेणार आहोत. हा 5जी स्मार्टफोन 25 हजारांच्या आत Xiaomi आणि Samsung च्या अनेक स्मार्टफोन्सना टक्कर देणार आहे.
Realme 9 Pro Plus चे स्पेसिफिकेशन्स
रियलमी 9 प्रो प्लस स्मार्टफोन 6.4 इंचाच्या फुलएचडी+ अॅमोलेड डिस्प्लेसह बाजारात आला आहे. जो 90हर्ट्ज रिफ्रेश रेट आणि 180हर्ट्ज टच सॅम्पलिंग रेटला सपोर्ट करतो. सिक्योरिटीसाठी यात इन डिस्प्ले फिंगरप्रिंट सेन्सर देण्यात आला आहे तसेच हा फोन फेस अनलॉक फीचरला देखील सपोर्ट करतो. सोबत बेसिक कनेक्टिव्हिटी फीचर्स कंपनीनं दिले आहेत.
हा डिवाइस अँड्रॉइड 12 बेस्ड रियलमी युआय वर चालतो. प्रोसेसिंगसाठी या फोनमध्ये 2.5गीगाहर्ट्ज क्लॉक स्पीड असलेल्या ऑक्टाकोर प्रोसेसरसह MediaTek Dimensity 920 चिपसेट देण्यात आला आहे. तसेच ग्राफिक्ससाठी माली-जी68 एमसी4 जीपीयू मिळतो. सोबत 8GB पर्यंत रॅम आणि 128GB स्टोरेज देण्यात आली आहे.
फोटोग्राफीसाठी रियलमी 9 प्रो+ स्मार्टफोनमध्ये ट्रिपल रियर कॅमेरा सेटअप देण्यात आला आहे. ज्यात एलईडी फ्लॅश, 50 मेगापिक्सलचा प्रायमरी Sony IMX766 सेन्सर, 8 मेगापिक्सलची वाईड अँगल लेन्स आणि 2 मेगापिक्सलची मॅक्रो लेन्स आहे. या स्मार्टफोनमध्ये 16 मेगापिक्सलचा Sony IMX471 सेन्सर फ्रंटला देण्यात आला आहे.पावर बॅकअपसाठी रियलमी 9 प्रो+ मध्ये 4,500एमएएचची बॅटरी देण्यात आली आहे जी 60W SuperDart चार्जिंग टेक्नॉलॉजीला सपोर्ट करते.
Realme 9 Pro Plus ची किंमत
- Realme 9 Pro Plus 6GB/128GB: 24,999 रुपये
- Realme 9 Pro Plus 8GB/128GB: 26,999 रुपये
- Realme 9 Pro Plus 8GB/256GB: 28,999 रुपये
Realme 9 Pro+ स्मार्टफोन 21 फेब्रुवारीपासून Midnight Black, Aurora Green आणि Sunrise Blue कलरमध्ये विकत घेता येईल.
हे देखील वाचा: