PUBG New State भारतात लाँच; Google Play Store वरून अशाप्रकारे करा डाउनलोड  

PUBG New State India Release: गेम डेव्हलपर Krafton ने PUBG New State हा नवीन गेम लाँच केला आहे. हा Battle Royale Game अँड्रॉइड स्मार्टफोनवर Google Play Store वरून डाउनलोड करता येईल.  

ठरल्याप्रमाणे PUBG New State आज 11 नोव्हेंबरला लाँच झाला आहे. हा गेम भारतासह जगभरात लाँच करण्यात आला आहे. अँड्रॉइड युजर्स हा यह गेम Google Play Store वरून सहज डाउनलोड करू शकतात. या गेमची खासियत म्हणजे यातील नवीन ग्राफिक्स आणि अ‍ॅडव्हान्स व्हेईकल तसेच वेपन्स, असे गेम डेव्हलपर Krafton ने सांगितले आहे.  

PUBG New State  

PUBG New State यावर्षी फेब्रुवारीमध्ये प्री-रेजिस्ट्रेशनसाठी उपलब्ध झाला होता. लाँच होण्याआधीच 40 मिलियन लोकांनी या गेमसाठी नोंदणी केली होती. त्या युजर्सना गेम रिलीज झाल्यावर नोटिफिकेशन द्वारे उपलब्धतेची माहिती देण्यात आली आहे. यात Android आणि iOS दोन्ही युजर्सचा समावेश आहे. गेमसाठी प्री-रजिस्ट्रेशन करणाऱ्या प्लेयर्सना मोफत स्किन देण्यात येईल. 

भारतीय BGMI आणि ग्लोबल व्हर्जन PUBG Mobile प्रमाणेच हा देखील एक Battle Royale Game आहे. जो कुणीही मोफत डाउनलोड करू शकतो. नवीन ग्राफिक्समुळे या गेमचा आकार 1.44GB आहे.यात Troi, Erangel 2051, 4v4 TDM आणि Training असे चार गेमिंग मोड मिळतात.  

PUBG New State मध्ये कारच्या ट्रंकमध्ये वेपन्स साठवून ठेवण्याचा पर्याय देण्यात येईल. जो याआधीच्या PUBG गेममध्ये मिळत नव्हता. प्लेयर्स गेममधील परिस्थितीनुसार वेपन्स बदलू शकतील. तसेच मेलेल्या गेमर्सच्या कारची ट्रंक लुटू देखील शकतील.  

How to Download New PUBG State? 

• सर्वप्रथम Google Play Store ओपन करा. 
• सर्च बार मध्ये PUBG New State असा सर्च करा. 
• गेमच्या नावासमोर असलेल्या Install बटनवर क्लिक करा. 
• गेम डाउनलोड होऊन इंस्टॉल होईल. त्यानंतर तुम्ही साइन इन करून गेम खेळू शकाल. 
• तसेच iPhone मध्ये Apple App Store वर देखील हा गेम डाउनलोडसाठी उपलब्ध आहे.