भारतीय लाँचपूर्वी Samsung Galaxy A22 5G ची किंमत लीक; 19,999 रुपयांमध्ये होऊ शकतो सादर
By सिद्धेश जाधव | Published: July 19, 2021 12:48 PM2021-07-19T12:48:45+5:302021-07-19T12:49:38+5:30
Samsung Galaxy A22 5G Prices: Samsung Galaxy A22 5G च्या 6GB रॅम + 128GB स्टोरेज व्हेरिएंटची किंमत 19,999 रुपये असू शकते.
भारतीय लाँचपूर्वी Samsung Galaxy A22 5G ची किंमत लीक; 19,999 रुपयांमध्ये होऊ शकतो सादर
Next Samsung लवकरच भारतातील 5G स्मार्टफोनचा पोर्टफोलिओ वाढवणार आहे. कंपनी भारतात Samsung Galaxy A22 स्मार्टफोनचा 5G मॉडेल करण्याची तयारी करत आहे. सॅमसंग Galaxy A22 5G स्मार्टफोन पुढल्या महिन्यात भारतात दाखल होऊ शकतो. आता लाँचपूर्वीच या स्मार्टफोनच्या किंमतीचा खुलासा करण्यात आला आहे. (Samsung Galaxy A22 5G Prices Reportedly Leaked Online Ahead of India Launch)
91Mobiles ने Samsung Galaxy A22 5G च्या किंमतीची माहिती दिली आहे. रिपोर्टनुसार, हा स्मार्टफोन भारतात दोन व्हेरिएंटमध्ये सादर केला जाईल. Samsung Galaxy A22 5G चा 6GB रॅम + 128GB स्टोरेज मॉडेल 19,999 रुपयांमध्ये लाँच केला जाऊ शकतो. तर फोनच्या 8GB रॅम + 128GB मॉडेलची किंमत 21,999 रुपये ठेवण्यात येईल. हा फोन गेल्या महिन्यात जागतिक बाजारात लाँच करण्यात आला होता, त्यामुळे Samsung Galaxy A22 5G च्या स्पेसिफिकेशन्सची माहिती आधीपासूनच उपलब्ध आहे.
Samsung Galaxy A22 5G फोनचे स्पेसिफिकेशन्स
Samsung Galaxy A22 5G मध्ये 6.6-इंचाचा फुल एचडी+ आयपीएस एलसीडी डिस्प्ले देण्यात आला आहे. हा फोन MediaTek Dimensity 700 5G SoC सह बाजारात दाखल झाला आहे. या सोबत 8GB पर्यंतचा रॅम 128GB पर्यंतची स्टोरेज देण्यात आली आहे. हा सॅमसंग फोन अँड्रॉइड 11 आधारित वन युआय 3.0 वर चालतो.
फोटोग्राफीसाठी Samsung Galaxy A22 5G मध्ये ट्रिपल रियर कॅमेरा सेटअप देण्यात आला आहे. या सेटअपमध्ये 48 मेगापिक्सलचा मुख्य कॅमेरा, 5 मेगापिक्सलचा अल्ट्रावाईड सेन्सर आणि 2-मेगापिक्सलचा डेप्थ सेन्सर देण्यात आला आहे. हा 8 मेगापिक्सलच्या फ्रंट कॅमेऱ्याला सपोर्ट करतो. पावर बॅकअपसाठी या फोनमध्ये 5000mAh ची बॅटरी 15 वॉट फास्ट चार्जिंग सपोर्टसह देण्यात आली आहे.