Poco नं गेल्यावर्षी Poco X3 Pro स्मार्टफोन लाँच केला होता. या स्मार्टफोन्सच्या फ्लॅगशिप प्रोसेसर आणि कमी किंमतीमुळे हा फोन लोकप्रिय ठरला होता. आता लवकरच या स्मार्टफोनची जागा आगामी POCO X4 Pro 5G स्मार्टफोन घेऊ शकतो. या स्मार्टफोनच्या लाईव्ह इमेज आणि कॅमेरा सँपल्स लाँचच्या आधीच ऑनलाइन लीक झाले आहेत.
POCO X4 Pro 5G ची लीक डिजाईन
POCO X4 Pro 5G स्मार्टफोन फ्लॅट बॅक आणि राऊंड एज डिजाइनसह बाजारात येईल. डिस्प्लेच्या चारही बाजुंना खूप बारीक बेजल आणि पंच होल कटआउट मिळेल. फोनच्या मागे LED फ्लॅशसह ट्रिपल रियर कॅमेरा सेटअप दिला जाऊ शकतो. उजवीकडे पावर बटन आणि वॉल्यूम रॉकर मिळेल, तर तळाला 3.5mm हेडफोन जॅक, मायक्रोफोन, चार्जिंग पोर्ट आणि स्पिकर ग्रिल मिळू शकते.
POCO X4 Pro 5G चे लीक स्पेसिफिकेशन्स
POCO X4 Pro 5G स्मार्टफोनमध्ये 6.67-इंचाचा Full-HD+ sAMOLED डिस्प्ले दिला जाऊ शकतो. जो 120Hz रिफ्रेश रेटसह बाजारात येईल. यात Qualcomm Snapdragon 695 5G प्रोसेसर दिला जाऊ शकतो. सोबत 8GB पर्यंत RAM आणि 128GB पर्यंतची स्टोरेज मिळेल. हा फोन Android 11 आधारित MIUI सह येईल. तसेच फोनमध्ये 5,000mAh ची बॅटरी आणि 67W फास्ट चार्जिंग सपोर्ट मिळू शकतो.
POCO X4 Pro 5G स्मार्टफोनमध्ये ट्रिपल रियर कॅमेरा सेटअप दिला जाऊ शकतो. या कॅमेरा सेटअपमध्ये 108MP चा मुख्य कॅमेरा असेल. भारतीय व्हेरिएंटमध्ये 64MP चा प्रायमरी कॅमेरा असू शकतो. सोबत 8MP ची अल्ट्रा वाईड अँगल लेन्स आणि 2MP ची मॅक्रो कॅमेरा लेन्स मिळू शकते. यात सेल्फी आणि व्हिडीओ कॉलिंगसाठी 16MP चा फ्रंट कॅमेरा दिला जाऊ शकतो.
हे देखील वाचा: