Xiaomi आपल्या सब-ब्रँड पोको अंतर्गत POCO X4 series सादर करणार आहे. या सीरिजमध्ये कंपनी चार फोन्स सादर करणार आहे. ज्यात POCO X4, POCO X4 NFC, POCO X4 GT, आणि POCO X4 Pro या मॉडेल्सचा समावेश असेल. यातील जीटी व्हेरिएंट गेमिंग फोन असू शकतो. आता 91mobiles आणि टिपस्टर मुकुल शर्माने मिळून POCO X4 सीरिजची लाँच टाइम लाइन शेयर केली आहे.
POCO X4 series
सर्वप्रथम POCO X4 NFC स्मार्टफोन जागतिक बाजारात 2022 च्या पहिल्या तिमाहीत उतरेल. पोको सध्या युरोपमध्ये POCO X4 NFC स्मार्टफोनची टेस्टिंग करत आहे. हा फोन 2201116PG मॉडेल नंबरसह आयएमईआय डेटाबेसवर दिसला होता. तर 2201116PI मॉडेल नंबर असलेला POCO X4 स्मार्टफोन भारतात 2022 च्या पहिल्या तिमाहीत पदार्पण करेल.
POCO X4 GT या सीरिजमधील गेमिंग फोन असेल, जो POCO X3 GT ची जागा घेईल. हा पोको फोन फक्त जागतिक बाजारात येऊ शकतो. कारण या फोनच्या भारतीय लाँचची माहिती मिळाली नाही. तसेच POCO X4 Pro स्मार्टफोन कधी बाजरात येईल हे देखील अजूनही गुलदस्त्यात आहे. या सीरिजमधील फक्त POCO X4 आणि X4 Pro हे दोनच फोन भारतीयांच्या नशिबी येऊ शकतात, अशी आतापर्यंत माहिती मिळाली आहे.