POCO M4 Pro 5G Phone लवकरच जागतिक बाजारात पदार्पण करू शकतो. हा फोन 9 नोव्हेंबरला लाँच होणार आहे. लाँचपूर्वी कंपनीने या स्मार्टफोनचे स्पेसिफिकेशन्स आणि फीचर टीज केले आहेत. हा आगामी स्मार्टफोन 33W फास्ट चार्जिंग आणि 6nm प्रोसेसरसह बाजारात येईल असे कंपनीने सांगितले आहे.
पोको अंतर्गत नेहमीची रेडमीचे स्मार्टफोन रीब्रँड करून सादर केले जातात आणि POCO M4 Pro 5G देखील याला अपवाद नसणार आहे. हा फोन शाओमीच्या Redmi Note 11 5G चा रिब्रँड व्हर्जन असू शकतो. कारण रेडमी नोट 11 5G देखील 6nm प्रोसेसवर बनलेल्या मीडियाटेकच्या Dimensity 810 चिपसेटसह सादर करण्यात आला आहे. विशेष म्हणजे या रेडमी फोनमध्ये 33W फास्ट चार्जला देखील सपोर्ट देण्यात आला आहे.
POCO M4 Pro 5G चे संभाव्य स्पेसिफिकेशन्स
POCO M4 Pro 5G स्मार्टफोन Redmi Note 11 5G रिब्रँड असल्यास या फोन्सचे स्पेसिफिकेशन्स देखील सारखे असतील. त्यामुळे आगामी पोको फोन 6.6-इंचाच्या फुल एचडी+ आयपीएस एलसीडी डिस्प्लेसह बाजारात येईल. हा डिस्प्ले 90Hz रिफ्रेशला सपोर्ट करेल. या फोनला 6nm प्रोसेसवर वाढती Dimensity 810 चिपसेटची ताकद देण्यात येईल. त्याचा 8GB RAM आणि 256GB पर्यंतची स्टोरेज मिळू शकते.
POCO M4 Pro 5G स्मार्टफोनमध्ये 16-मेगापिक्सलचा फ्रंट कॅमेरा दिला जाऊ शकतो. तसेच फोनमध्ये ड्युअल रियर कॅमेरा सेटअप असेल. ज्यात 50 मेगापिक्सलचा प्रायमरी कॅमेरा आणि 8 मेगापिक्सलचा अल्ट्रा वाईड अँगल कॅमेरा सेन्सर मिळेल. या पोको फोनमध्ये 5000mAh ची बॅटरी 33W फास्ट चार्जिंग सपोर्टसह देण्यात येईल.