भारतीय स्मार्टफोन ग्राहकांचे वाईट दिवस सुरु आहेत. Redmi, Realme, OPPO नंतर सॅमसंगने देखील आपल्या स्मार्टफोनची किंमत वाढवली आहे. तसेच आता POCO ने देखील आपल्या स्वस्त स्मार्टफोनची किंमत वाढवली आहे. पोको इंडियाने लोकप्रिय Poco M3 स्मार्टफोनची किंमत वाढवली आहे. गेल्या आठवड्यात फोनच्या 64GB स्टोरेज व्हेरिएंटची किंमत वाढवली होती. आता फोनच्या 6GB RAM आणि 128GB स्टोरेज व्हेरिएंटची किंमत देखील वाढवण्यात आली आहे.
POCO M3 ची नवीन किंमत
पोको एम3 भारतात तीन व्हेरिएंट्समध्ये सादर करण्यात आला आहे. यातील 4GB RAM व 64GB स्टोरेज व्हेरिएंट आता 10,999 रुपयांमध्ये विकत घेता येईल. तर फोनचा 6GB RAM आणि 64GB स्टोरेज व्हेरिएंट आता 11,999 रुपयांमध्ये खरेदी करता येईल. या फोनचा 6GB RAM आणि 128GB स्टोरेज व्हेरिएंटसाठी 12,999 रुपये मोजावे लागतील.
Poco M3 चे स्पेसिफिकेशन्स
POCO M3 मध्ये 6.53 इंचाचा फुलएचडी+ आयपीएस एलसीडी डिस्प्ले देण्यात आला आहे. हा पोको फोन क्वालकॉम स्नॅपड्रॅगन 662 प्रोसेसरवर चालतो. POCO M3 स्मार्टफोन Android 10 ओएसवर आधारित मीयुआय 12 सह येतो. POCO M3 मध्ये ट्रिपल रियर कॅमेरा देण्यात आला आहे. यात 48MP मुख्य कॅमेरा, 2 MP चा डेप्थ आणि 2 MP चा मॅक्रो सेन्सर आहे. हा फोन 8MP फ्रंट कॅमेऱ्याला सपोर्ट करतो. पावर बॅकअपसाठी POCO M3 स्मार्टफोनमध्ये 6,000mAh ची मोठी बॅटरी देण्यात आली आहे, जी 18W फास्ट चार्जिंगला सपोर्ट करते.