Poco F4 5G स्मार्टफोन काही दिवसांपूर्वी भारतात लाँच करण्यात आला होता. हा फोन जेव्हा पहिल्यांदा विक्रीसाठी आला तेव्हा ग्राहक यावर तुटून पडले. कथितरित्या या हँडसेटनं भारतात रेकॉर्ड ब्रेक विक्री केली आहे. फ्लिपकार्टवर पहली सेलमध्ये सर्वात जास्त विकला जाणारा फ्लॅगशिप बनला आहे, अशी माहिती फ्लिपकार्टनं दिली आहे.
विक्रमी कामगिरी
Poco F4 5G स्मार्टफोन काही मिनिटांत आऊट ऑफ स्टॉक झाला. तसेच सर्चची संख्या इतकी जास्त होती की फ्लिपकार्टचे सर्वर खराब होऊ लागले. फ्लिपकार्टवर सर्वाधिक विकला जाणारा हा फ्लॅगशिप फोन असल्याचा दावा करण्यात आला आहे.
POCO F4 5G चे स्पेसिफिकेशन्स
पोको एफ4 5जी फोनमध्ये 6.67 इंचाचा फुलएचडी+ ई4 अ‍ॅमोलेड डिस्प्ले देण्यात आला आहे. जो 2400 x 1080 पिक्सल रिजोल्यूशन, 1300निट्स ब्राईटनेस, 120हर्ट्ज रिफ्रेश रेट आणि 360हर्ट्ज टच सॅम्पलिंग रेटला सपोर्ट करतो. POCO F4 5G स्मार्टफोनच्या डिस्प्लेला कोर्निंग गोरिल्ला ग्लास 5 ची सुरक्षा देण्यात आली आहे.
पोको एफ4 5जी अँड्रॉइड 12 आधारित मीयुआय 13 वर चालतो. प्रोसेसिंगसाठी क्वॉलकॉमचा फ्लॅगशिप ग्रेड स्नॅपड्रॅगन 870 चिपसेट देण्यात आला आहे. सोबत एड्रेनो 650 जीपीयू आणि क्वॉलकॉम एक्स55 मॉडेम देण्यात आला आहे. फोनमध्ये 12 जीबी पर्यंत LPDDR5 RAM व 256 जीबी पर्यंतची UFS 3.1 Storage देण्यात आली आहे. टर्बो रॅम फिचरच्या मदतीनं 3GB पर्यंतचा व्हर्च्युअल रॅम वाढवता येतो.
फोटोग्राफीसाठी पोको एफ4 5जी ट्रिपल रियर कॅमेऱ्याला सपोर्ट करतो. फोनच्या मागे एलईडी फ्लॅशसह 64 मेगापिक्सलचा प्रायमरी कॅमेरा, 8 मेगापिक्सलची अल्ट्रा वाईड अँगल लेन्स आणि 2 मेगापिक्सलची मॅक्रो लेन्स आहे. सेल्फी आणि व्हिडीओ कॉलिंगसाठी 20 मेगापिक्सलच्या फ्रंट कॅमेरा मिळतो. पावर बॅकअपसाठी फोनमधील 4,500mAh ची बॅटरी 67W sonic charging टेक्नॉलॉजीसह देण्यात आली आहे.