चिनी कंपनी ओप्पो आपल्या रेनो सीरिज अंतर्गत आपले फ्लॅगशिप स्मार्टफोन सादर करते. गेल्या काही दिवसांपासून आगामी Reno 7 series ची माहिती येत आहे, ज्यात Reno 7 SE, Reno7, आणि Reno 7 Pro असे तीन मॉडेल येणार आहेत. आता आगामी Oppo Reno 7 Pro च्या डिजाईनची माहिती लीक झाली आहेत.
Oppo Reno 7 Pro ची डिजाइन
चिनी सोशल मीडिया साईट विबोवरून OPPO Reno 7 Pro चे फोटो लीक झाले आहेत. या फोटोजमधून फोनच्या फ्रंट पॅनलची माहिती मिळाली आहे. हा डिवाइस फ्लॅट डिस्प्लेसह सादर केला जाईल. हा फोन बेजल लेस डिजाईनसह सादर करण्यात येईल, तसेच यातील स्लिम चीन देण्यात येईल. या फोनमध्ये सेल्फी कॅमेऱ्यासाठी पंच होल कटआउट देण्यात येईल.
OPPO Reno 7 Pro चे लीक स्पेसिफिकेशन्स
Oppo Reno 7 Pro स्मार्टफोनमध्ये 6.5-इंचाचा कर्व एज असलेला OLED डिस्प्ले देण्यात येईल जो FHD+ रिजोल्यूशन आणि 120Hz रिफ्रेश रेटला सपोर्ट करेल. ओप्पो रेनो 7 प्रो मध्ये क्वॉलकॉमचा Snapdragon 888 चिपसेट, 12GB पर्यंत LPDDR5 RAM आणि 512GB पर्यंतची UFS 3.1 स्टोरेज मिळेल. या डिवाइसमधील 4500mAh ची बॅटरी 65W फास्ट चार्जिंगला सपोर्ट करेल. इतर दोन फोन्स प्रमाणे यात देखील 32-मेगापिक्सलचा Sony IMX615 सेन्सर सेल्फी कॅमेऱ्याचे काम करेल. तर रियर कॅमेरा सेटअपमध्ये 50-मेगापिक्सलचा ओआयएस असलेला Samsung GN5 सेन्सर, 64-मेगापिक्सलचा OmniVision OV64B अल्ट्रावाईड कॅमेरा आणि 13-मेगापिक्सचा Samsung S5K3M5 टेलीफोटो कॅमेरा देण्यात येईल.
OPPO Reno 7 Pro ची लीक किंमत
OPPO Reno 7 Pro चे तीन व्हेरिएंट्स सादर केले जातील. ज्यात 8GB RAM आणि 256GB स्टोरेज असलेला मॉडेल 4,299 युआन(सुमारे 50,300 रुपये) मध्ये बाजारात येईल. तर 12GB RAM आणि 256GB स्टोरेज व्हेरिएंटसाठी 4,799 युआन (सुमारे 56,200 रुपये) आणि 12GB RAM सह 512GB स्टोरेज असेलल्या मॉडेलची किंमत 5,299 युआन (सुमारे 62,000 रुपये) असेल.