गेल्या आठवड्यात OPPO ने आपल्या Reno 6 सीरीजमध्ये OPPO Reno 6 आणि OPPO Reno 6 Pro हे दोन स्मार्टफोन भारतात लाँच केले केले आहेत. आता कंपनीने या सीरिजमध्ये अजून एक नवीन स्मार्टफोन OPPO Reno 6Z लाँच केला आहे. ओप्पोने हा स्मार्टफोन थायलंडमध्ये लाँच केला आहे. OPPO Reno 6Z स्मार्टफोनमध्ये 64 मेगापिक्सलचा ट्रिपल रियर कॅमेरा देण्यात आला आहे.
OPPO Reno 6Z स्पेसिफिकेशन्स आणि फीचर
OPPO Reno 6Z स्मार्टफोनमध्ये 6.4 इंचाचा फुल एचडी+ अ‍ॅमोलेड डिस्प्ले देण्यात आला आहे. या फोनमध्ये इन-डिस्प्ले फिंगरप्रिंट सेन्सर मिळतो. हा फोन स्मार्टफोन Android 11 आधारित ColorOS 11.1 वर चालतो. या ओप्पो स्मार्टफोनमध्ये मीडियाटेकचा Dimensity 800U चिपसेट देण्यात आला आहे. हा फोन 8GB रॅम आणि 128GB स्टोरेजला सपोर्ट करतो. या फोनचा रॅम 5GB पर्यंत वाढवता येतो.
OPPO Reno 6Z स्मार्टफोनमध्ये ट्रिपल रियर कॅमेरा सेटअप देण्यात आला आहे. यात 64 मेगापिक्सलचा मुख्य कॅमेरा सेन्सर आहे. या फोनमध्ये 8 मेगापिक्सलचा अल्ट्रावाईड कॅमेरा सेन्सर, 2 मेगापिक्सलचा मॅक्रो कॅमेरा देण्यात आला आहे. हा फोन 32 मेगापिक्सलच्या फ्रंट कॅमेऱ्याला सपोर्ट करतो. OPPO Reno 6Z स्मार्टफोन 4,310mAh बॅटरी 30W VOOC 4.0 चार्जिंगसह देण्यात आली आहे.
OPPO Reno 6Z ची किंमत
OPPO Reno 6Z स्मार्टफोनच्या किंमतीची माहिती अजूनतरी देण्यात आली नाही. हा स्मार्टफोन सर्वप्रथम थायलंडमध्ये सादर केला गेला आहे. OPPO Reno 6Z स्मार्टफोनची किंमत 21 जूनला सांगण्यात येईल. हा स्मार्टफोन स्टेलर ब्लॅक आणि अरोरा या दोन रंगात सादर केला जाऊ शकतो.