Oppo ची आगामी Reno 6 सीरिजमधील Oppo Reno 6 आणि Oppo Reno 6 Pro 5G स्मार्टफोन गेल्या महिन्यात फ्लिपकार्टवर लिस्ट करण्यात आले होते. या लिस्टिंगमुळे हे स्मार्टफोन लवकरच भारतात लाँच होणार याची खात्री झाली होती. आता कंपनीने या दोन्ही स्मार्टफोन्सच्या लाँचची तारीख सांगितली आहे. ओप्पोने सोशल मीडियावरून सांगितले आहे कि Reno 6 सीरिज 14 जुलैला भारतात लाँच केली जाईल. (Oppo Reno 6 Pro 5G will come powered by MediaTek Dimensity 1200 5G chipset)
Oppo Reno 6 Pro 5G चे स्पेसीफाकेशन्स
Oppo Reno 6 Pro 5G मध्ये 6.55 इंचाचा फुल एचडी+ ओएलईडी डिस्प्ले देण्यात येईल. या ओप्पो स्मार्टफोनमध्ये मीडियाटेकचा Dimensity 1200 प्रोसेसर आणि 12GB रॅम दिला जाऊ शकतो. रेनो 6 प्रो 5G मधील क्वाड रियर कॅमेरा सेटअपमध्ये 64 मेगापिक्सलचा मुख्य कॅमेरा, 8 मेगापिक्सलचा सेकंडरी कॅमेरा, 2 मेगापिक्सलचा मॅक्रो आणि 2 मेगापिक्सलचा डेप्थ सेन्सर दिला जाऊ शकतो. सेल्फीसाठी या फोनमध्ये 32 मेगापिक्सलचा फ्रंट कॅमेरा मिळेल. या फोनमध्ये 65W फास्ट चार्जिंग सपोर्टसह 4,500mAh ची बॅटरी मिळेल.
Reno 6 चे स्पेसीफाकेशन्स
Reno 6 मध्ये 6.43 इंचाचा फुल एचडी+ अॅमोलेड डिस्प्ले 90Hz रिफ्रेश रेटसह मिळू शकतो. या स्मार्टफोनमध्ये मीडियाटेक Dimensity 900 SoC सह 12GB पर्यंतचा रॅम मिळेल. हा फोन ट्रिपल रियर कॅमेऱ्याला सपोर्ट करेल. यात 64 मेगापिक्सलचा मुख्य कॅमेरा, 8 मेगापिक्सलचा वाईड अँगल सेन्सर आणि 2 मेगापिक्सलचा डेप्थ सेन्सर मिळू शकतो. Reno 6 मध्ये 32 मेगापिक्सलचा सेल्फी कॅमेरा मिळेल. तसेच 4,300mAh ची बॅटरी आणि 65W फास्ट चार्जिंगसह देण्यात येईल.