OPPO ने गेल्या महिन्यात चीनमध्ये OPPO K9s स्मार्टफोन सादर केला होता. हा फोन 8GB RAM, Snapdragon 778G SoC, 120Hz Refresh Rate, 64MP Camera आणि 5,000mAh Battery अशा स्पेसिफिकेशन्ससह बाजारात आला होता. आता कंपनी या सीरिजचा विस्तार करणार आहे, अशी बातमी आली आहे. लवकरच बाजारात OPPO K9x नावाचा फोन बाजारात दाखल होऊ शकतो. आता या फोनचे स्पेसीफिकेशन्स लीक झाले आहेत.
OPPO K9x चे स्पेसिफिकेशन्स
लिक्सनुसार OPPO K9x स्मार्टफोन 6.5 इंच्याच्या फुलएचडी+ एलसीडी डिस्प्लेसह लाँच केला जाईल. हा डिस्प्ले 120hz रिफ्रेश रेटला सपोर्ट करेल. तसेच याला कोर्निंग गोरिल्ला ग्लास 5 ची सुरक्षा देखील देण्यात येईल. हा फोन अँड्रॉइड 11 आधारीत कलरओएसवर चालेल. या फोनला कंपनी ऑक्टाकोर प्रोसेसरसह मीडियाटेक डिमेनसिटी 900 चिपसेटची ताकद देईल. त्याचबरोबर 8GB पर्यंतचा RAM आणि 256GB पर्यंतची स्टोरेज मिळू शकते.
ओप्पो के9एक्स ट्रिपल रियर कॅमेरा सेटअपसह बाजारात येईल. ज्यात एलईडी फ्लॅशसह 64 मेगापिक्सलचा प्रायमरी कॅमेरा, 2 मेगापिक्सलची मॅक्रो लेन्स आणि 2 मेगापिक्सलचा डेप्थ सेन्सर मिळू शकतो. या ओप्पो फोनमधील सेल्फी कॅमेऱ्याची माहिती मिळाली नाही. साईड माउंटेड फिंगरप्रिंट सेन्सर असेलला हा फोन 30W VOOC 4.0 टेक्नॉलॉजी असलेल्या 5000mAh च्या मोठ्या बॅटरीला सपोर्ट करेल.
OPPO K9x ची किंमत
OPPO K9x चा 6GB RAM आणि 128GB व्हेरिएंट 1,499 युआन अर्थात 17,500 रुपयांच्या आसपास विकला जाईल. तर 8GB RAM आणि 128 GB व्हेरिएंटसाठी 1,699 युआन (जवळपास 19,700 रुपये) आणि 8GB RAM आणि 256GB व्हेरिएंटसाठी 1,899 युआन (जवळपास 22,900 रुपये) मोजावे लागतील.