OPPO नं आपल्या बजेट फ्रेंडली स्मार्टफोनची किंमत कमी केली आहे. हा प्राईस कट मर्यादित कालावधीसाठी असणार आहे, असं 91मोबाईल्सनं सांगितलं आहे. आजपासून म्हणजे 1 डिसेंबरपासून OPPO A15s च्या 4GB RAM आणि 128GB स्टोरेज व्हेरिएंटची किंमत 500 रुपयांनी कमी करण्यात येईल.
त्यामुळे 12,990 रुपयांमध्ये मिळणारा हा फोन आता 12,490 रुपयांमध्ये विकत घेता येईल. ही ऑफर अजून 15 दिवस म्हणजे 15 डिसेंबरपर्यंत वैध असेल. तसेच फोनच्या 4GB रॅम आणि 64GB व्हेरिएंटची किंमत 11,490 रुपये आहे. हा फोन ऑफलाईन तसेच ऑनलाईन खरेदीसाठी उपलब्ध आहे.
OPPO A15s चे स्पेसिफिकेशन्स
Oppo A15s मध्ये 6.52-इंचाचा एचडी एलसीडी डिस्प्ले देण्यात आला आहे. हा स्मार्टफोन ऑक्टा-कोर मीडियाटेक पी35 प्रोसेसरसह बाजारात आला आहे. त्याचबरोबर 4जीबी रॅम आणि 128 जीबी स्टोरेज देण्यात आली आहे. ही स्टोरेज मायक्रोएसडी कार्डने वाढवता येते. स्मार्टफोन अँड्रॉइड 10 बेस्ड कलरओएस 7.2 वर चालतो. सिक्योरिटीसाठी यात रियर फिंगरप्रिंट सेन्सर देण्यात आला आहे.
फोटोग्राफीसाठी Oppo A15s मध्ये ट्रिपल रियर कॅमेरा सेटअप मिळतो. ज्यात 13MP चा प्रायमरी सेन्सर, 2MP चा मॅक्रो कॅमेरा आणि 2MP चा डेप्थ सेन्सर आहे. Oppo A15s मध्ये 8MP चा फ्रंट कॅमेरा देण्यात आला आहे. Oppo A15s मध्ये पावर बॅकअपसाठी 4230mAh ची बॅटरी मिळते. ही बॅटरी 10 वॉट फास्ट-चार्जिंग टेक्नॉलॉजीला सपोर्ट करते.