चिनी स्मार्टफोन कंपनी ओप्पोने आपल्या A-Series चा विस्तार केला आहे. कंपनीने बजेट सेगमेंटमध्ये OPPO A16K फोन फिलीपीन्समध्ये सादर केला आहे. हा फोन स्लिम बॉडी, HD+ LCD डिस्प्ले आणि MediaTek Helio G35 चिपसेटसह सादर करण्यात आला आहे. हा फोन भारतातील OPPO A16 स्मार्टफोनचा लो बजेट व्हर्जन आहे. चला जाऊन घेऊया OPPO A16K चे स्पेसिफिकेशन्स आणि किंमत.
OPPO A16K चे स्पेसिफिकेशन्स
OPPO A16K आणि OPPO A16 च्या लूक आणि डिजाईनमध्ये जास्त फरक दिसत नाही. हा फोन वॉटरड्रॉप नॉच डिजाइन आणि सिंगल रियर कॅमेऱ्यासह बाजारात आला आहे. यात 6.52 इंचाचा HD+ LCD डिस्प्ले मिळतो, ज्याचे रिजोल्यूशन 720×1600 पिक्सल आहे. 88.7 टक्के स्क्रीन-टू-बॉडी रेशियोसह येणारा हा फोन 480 निट्स ब्राईटनेसला सपोर्ट करतो. हा फोन ब्लॅक आणि ब्लू कलरमध्ये विकत घेता येईल.
या स्मार्टफोनमध्ये कंपनीने MediaTek Helio G35 प्रोसेसरची पॉवर दिली आहे. त्याचबरोबर 3GB RAM आणि 32GB ची स्टोरेज मिळते. ही स्टोरेज मायक्रोएसडी कार्डच्या माध्यमातून वाढवता येते. हा मोबाईल Android 11 आधारित ColorOS 11.1 Lite वर चालतो.
OPPO A16K च्या बॅक पॅनलवर एकच 13 मेगापिक्सलचा कॅमेरा देण्यात आला आहे. तसेच हा फोन 5 मेगापिक्सलच्या फ्रंट कॅमेऱ्याला सपोर्ट करतो. फोनमध्ये 4,230mAh ची बॅटरी देण्यात आली आहे. तर कनेक्टिविटीसाठी Wi-Fi, Bluetooth 5.0, हेडफोन जॅक आणि USB Type C पोर्ट असे पर्याय मिळतात.
OPPO A16K ची किंमत
OPPO A16K चा एकच व्हेरिएंट बाजारात आला आहे. फिलिपिन्समध्ये हा फोन 6,999 PHP मध्ये विकत घेता येईल. ही किंमत 10,300 भारतीय रुपयांमध्ये रूपांतरित होते. हा स्मार्टफोन भारतात आणि इतर बाजारपेठांमध्ये उपलब्ध होईल कि नाही हे मात्र अजून समजले नाही.