OnePlus 9RT India: वनप्लसच्या जागतिक बाजारातील OnePlus 9RT फोनची चाहते आतुरतेनं वाट बघत आहेत. चीनमध्ये आलेला हा फोन भारतात मात्र OnePlus RT या नव्या नावानं सादर केला जाईल, परंतु या या फोनचे फीचर्स आणि स्पेसिफिकेशन बदलणार नाहीत. नावाप्रमाणे देशात येताना या फोनची किंमत देखील बदलणार आहे.
OnePlus RT India price
The Mobile Indian च्या रिपोर्टनुसार , OnePlus RT चा 8GB RAM आणि 128GB स्टोरेज व्हेरिएंट भारतात 39,999 रुपयांमध्ये उपलब्ध होईल. ही किंमत 37,999 रुपयांवर देखील जाऊ शकते. तर 6GB RAM आणि 128GB स्टोरेज व्हेरिएंटसाठी 34,999 रुपये मोजावे लागू शकतात. याआधी आलेल्या लीकमध्ये Onelus RT ची किंमत 40,000 ते 44,000 रुपये असेल, असं सांगण्यात आलं होतं. मीडिया रिपोर्टनुसार OnePlus RT भारतात 16 डिसेंबरला लाँच होईल.
OnePlus RT चे स्पेसिफिकेशन्स
OnePlus RT मध्ये 6.62-चाचा फुल एचडी+ E4 अॅमोलेड डिस्प्ले देण्यात आला आहे. हा डिस्प्ले 1080 x 2400 पिक्सल रिजोल्यूशन, 1300 निट्स पीक ब्राईटनेस, 120Hz रिफ्रेश रेट आणि 1300Hz टच सॅम्पलिंग रेटला सपोर्ट करतो. या फोनमध्ये कंपनीने क्वॉलकॉमच्या स्नॅपड्रॅगन 888 प्रोसेसरची पॉवर दिली आहे. त्याचबरोबर 12GB पर्यंतचा लेटेस्ट LPDDR5 RAM आणि 256GB पर्यंतची वेगवान UFS 3.1 स्टोरेज मिळते. विशेष म्हणजे हा फोन OxygenOS ऐवजी अँड्रॉइड 11 आधारित Oppo च्या ColorOS वर चालतो.
फोटोग्राफीसाठी या फोनमध्ये ट्रिपल कॅमेरा सेटअप मिळतो. ज्यात 50 मेगापिक्सलचा Sony IMX766 प्रायमरी सेन्सर देण्यात आला आहे. त्याचबरोबर 16MP चा अल्ट्रावाईड अँगल सेन्सर आणि 2MP चा मॅक्रो सेन्सर मिळतो. सेल्फी आणि व्हिडीओ कॉलिंगसाठी यात 16MP चा Sony IMX471 सेल्फी शुटर देण्यात आला आहे. OnePlus RT मधील 4,500mAh ची ड्युअल-सेल बॅटरी 65W Warp Charge टेक्नॉलॉजीला सपोर्ट करते.