OnePlus 9RT India Launch: OnePlus ने यावर्षी ऑक्टोबरमध्ये OnePlus 9RT स्मार्टफोन आपल्या होम चीनमध्ये सादर केला होता. तेव्हापासून भारतीय चाहते या स्मार्टफोनची वाट बघत आहेत. आता त्यांची ही प्रतीक्षा लवकरच संपणार असे दिसत आहे. कारण लाँच होण्याआधी हा फोन गुगल प्ले लिस्टिंगमध्ये स्पॉट करण्यात आला आहे. या लिस्टिंगनुसार भारतात हा फोन नव्या नावाने लाँच केला जाईल, असे सांगण्यात आले आहे.
वनप्लस इंडियाने या फोनच्या भारतीय लाँचची कोणतीही अधिकृत माहिती दिली नाही. परंतु आता टिपस्टर मुकुल शर्माने सांगितले आहे कि OnePlus 9RT स्मार्टफोन Google Supported Devices List आणि Gooogle Play लिस्टिंगच्या वेबसाईटवर नव्या नावाने लिस्ट करण्यात आला आहे. त्यानुसार OnePlus 9RT स्मार्टफोन भारतात OnePlus RT नावाने सादर केला जाऊ शकतो. आता ही माहिती कितपत खरी आहे हे कंपनीच्या अधिकृत घोषणेनंतरच सांगता येईल. पंरतु गुगल प्ले लिस्टिंग आणि काही दिवसांपूर्वीची बीआयएस लिस्टिंगमुळे हा फोन लवकरच देशात येणार हे स्पष्ट झाले आहे.
OnePlus 9RT चे स्पेसिफिकेशन्स
OnePlus 9RT मध्ये 6.62-चाचा फुल एचडी+ E4 अ‍ॅमोलेड डिस्प्ले देण्यात आला आहे. हा डिस्प्ले 1080 x 2400 पिक्सल रिजोल्यूशन, 1300 निट्स पीक ब्राईटनेस, 120Hz रिफ्रेश रेट आणि 1300Hz टच सॅम्पलिंग रेटला सपोर्ट करतो. या फोनमध्ये कंपनीने क्वॉलकॉमच्या स्नॅपड्रॅगन 888 प्रोसेसरची पॉवर दिली आहे. त्याचबरोबर 12GB पर्यंतचा लेटेस्ट LPDDR5 RAM आणि 256GB पर्यंतची वेगवान UFS 3.1 स्टोरेज मिळते. विशेष म्हणजे हा फोन OxygenOS ऐवजी अँड्रॉइड 11 आधारित Oppo च्या ColorOS वर चालतो.
फोटोग्राफीसाठी या फोनमध्ये ट्रिपल कॅमेरा सेटअप मिळतो. ज्यात 50 मेगापिक्सलचा Sony IMX766 प्रायमरी सेन्सर देण्यात आला आहे. त्याचबरोबर 16MP चा अल्ट्रावाईड अँगल सेन्सर आणि 2MP चा मॅक्रो सेन्सर मिळतो. सेल्फी आणि व्हिडीओ कॉलिंगसाठी यात 16MP चा Sony IMX471 सेल्फी शुटर देण्यात आला आहे. OnePlus 9RT मधील 4,500mAh ची ड्युअल-सेल बॅटरी 65W Warp Charge टेक्नॉलॉजीला सपोर्ट करते.